O día 29 de xullo, luns, ás 12:00 horas a CGT da Coruña convoca a todos os traballadores e á cidadanía en xeral a unha concentración diante do Centro de Atención e Información da Seguridade Social sito na rúa Félix Estrada Catoira esquina rúa Fernando Rey (preto da igrexa de san Pedro de Mezonzo), para respostar ás intencións do goberno de desmantelar o sistema público de pensións e de modificar tanto os requisitos como os sistema de cálculo das pensións futuras, así como a desaparición do custo da vida como factor a ter en conta para a súa revalorización.

Pensións públicas e suficientes!

Polo reparto do traballo e da riqueza!

A CGT ten convocado manifestación en Madrid para o vindeiro día 29 de xuño, que sairá ás 12 horas da Estación de Atocha e rematará na Porta do Sol. As mobilizacións, que ata agora se viñan plantexando descentralizadamente, pretenden non só a defensa dos empregos ferroviarios, ante os ERE"s anunciados en RENFE e ADIF, os recortes en Cremonini, polo futuro dos traballadores e traballadoras de Contratas Ferroviarias, Servizos Auxiliares, Comfersa, etc…, as habilitacións para o persoal da extinta FEVE, senón tamén a protesta pola inminente liberalización do ferrocarril, as supresións de trens de media distancia, o peche de liñas, a fragmentación de ADIF e RENFE.
Para a CGT sobran os motivos para a mobilizacións, por iso chama á participación masiva na manifestación do 29 de xuño, e anuncia a convocatoria de folgas en todo o sector ferroviario nos meses de xullo e agosto.
Dende a CGT da Coruña se está a organizar o desprazamento de compañeiros e compañeiras á manifestación de Madrid, polo que os traballadores e traballadoras interesadas deben poñerse en contacto, o antes posible, coas Seccións Sindicais ou directamente coa Federación Local para anotarse.

Mais información: Sindicato Federal Ferroviario da CGT

A CGT da Coruña chama a participar activamente na manifestación que terá lugar o vindeiro xoves, 20 de xuño, en protesta polos recortes de servizos ferroviarios en Galicia e contra o plan de privatización do ferrocarril, convocada polos comités de empresa de Renfe e Adif.

A manifestación partirá, ás 20 horas, da Estación de San Diego (fronte á Casa do Mar) e finalizará na Estación de San Cristobo.

CGT da Coruña

O vindeiro mércores, día 19, ás 20 horas, na Praza de Pablo Iglesias, no barrio do Castrillón da Coruña terá lugar un novo acto en defensa dun ferrocarril publico e social. Baixo o título «Que non nos rouben o tren!!!»,  o acto contará coas intervencións de dous compañeiros do Sector Ferroviario da CGT, Alberto Díaz e Ángel Valladares, e de Paco Rodríguez (ex deputado do BNG).

CGT da Coruña

Hoxe, venres, 7 de xuño, ás 20:00 horas, terá lugar unha charla informativa sobre un ferrocarril público e social e o seu futuro en Galicia, na Biblioteca Veciñal da Asociación de Veciños das Atochas-Monte Alto (Campo de Marte).

No acto participarán dous compañeiros ferroviarios da CGT.

Comité da CGT da Coruña

A CGT da Coruña decidiu apoiar e acudir á manifestación contra a Troika que, en concordancia con outras cidades europeas e do resto do mundo, terá lugar na Coruña o próximo sábado, día 1 de xuño, e que sairá, ás 19:00 horas, da Praza de Pontevedra.
 
A CGT da Coruña acudirá á manifestación por coincidir na cuestión básica: (oposición ás políticas da Troika e denuncia da situación que estas políticas de agresión aos dereitos conseguidos están causando entre os pobos do mundo).

Comité Local da CGT da Coruña