O próximo mércores, día 7 de setembro, ás 19:30 horas, terá lugar unha Asemblea Xeral de afiliados do Sindicato de Oficios Varios da Coruña, no que se tratarán temas de interés orgánico.
Ofrendas florais
Como cada ano, o vindeiro domingo, día 5 de xuño, ás 12:30 horas, no cemiterio de San Amaro da Coruña, terá lugar unha ofrenda floral organizada pola CGT da Coruña en lembranza das vítimas da represión na folga xeral (a folga dos "consumeros") que tivo lugar na cidade da Coruña os días 30 e 31 de maio e día 1 de xuño de 1901.
A ofrenda terá lugar no monolito levantado polas sociedades obreiras e sufragado por subscrición popular no ano 1906 e que está situado no interior do cemiterio.
A continuación, farase outra ofrenda no conxunto escultórico situado na Avenida de Navarra en lembranza dos represaliados polo franquismo.
A Asemblea do SOV-Coruña, 2ª parte
En réxime de autoconvocatoria, o SOV da Coruña continuará a Asemblea Xeral para debater a Orde do Día do Pleno de Sindicatos de Galicia próximo, o mércores, día 18, ás 19 horas.
Asemblea da CGT da Coruña
O venres, 13 de maio, ás 19.00 horas, a CGT da Coruña fará unha Asemblea Xeral de afiliados na que se debatirá e a orde do día do Pleno de Sindicatos que terá lugar en Pontevedra os días 28 e 29 do mesmo mes, de cara ao Pleno Confederal de Alicante do mes de xuño.
1º de maio na Coruña
Ás doce e cuarto do mediodía, da Praza de Pontevedra da Coruña, saía a manifestación do Primeiro de Maio convocada conxuntamente pola CGT e a CUT. Tras a cabeceira, que tiña como lema «Contra o paro e o capital, chegou a hora da rebelión», uns trescentos manifestantes percorreron as rúas máis céntricas da cidade para amosar o seu radical rexeitamento á situación actual.
«Comisións, UXT, sindicatos do poder», «Unión, acción, autoxestión, chegou a hora da rebelión», «Contra o paro, contra os despidos, contra os EREs, contra o capital, contra o pensionazo, loita obreira», «Obreiro despedido, patrón colgado», «Obreira despedida, patrón colgado«, e berros pola acción directa foron as consignas máis coreadas.
A manifestación fimalizou, pasada a unha da tarde, na Praza do Humor, onde se leron os manifestos das dúas organizacións sindicais. Para rematar, cantáronse «A las barricadas» e «A Internacional», e se deron vivas ao Primeiro de Maio, á CGT, á Clase Obreira e ao Comunismo Libertario.
Manifesto da CGT da Coruña ante o Primeiro de Maio
A CGT da Coruña, ven de facer público o seguinte manifesto:
«CONTRA A CRISE. É HORA DE PASAR Á ACCIÓN
 O 1º de Maio é unha data especialmente simbólica para a clase traballadora de todo o mundo. Con ela lembramos e recuperamos a heroica loita dos traballadores asasinados pola patronal en Chicago en demanda da xornada de oito horas, aló polo ano 1886.
Hoxe, no 2011, temos que seguir aínda con máis contundencia, porque o ataque que estamos a sufrir por parte do capital recorda o salvaxismo patronal de épocas que algúns crían xa pasadas.
Manifestación do Primeiro de Maio na Coruña
Este Primeiro de Maio, a CGT da Coruña volverá saír ás rúas da cidade. A manifestación, convocada conxuntamente coa CUT, sairá, ás 12:00 horas, da Praza de Pontevedra e percorrerá o centro urbano para rematar na Praza do Humor.
Para a CGT, é hora de que a clase traballadora se rebele contra a insoportable situación á que o capitalismo e os seus lacaios, a clase política, nos están levando. A dramática situación de 5.000.000 de parados está sendo utilizada pola patronal e os gobernos para aplicar uns recortes sociais e unhas condicións de traballo inaceptables hai ben pouco. Pero, a pesar do conto interesado da crise, a CGT non traga e non está disposta a seguir a outros sindicatos nas prácticas desmobilizadoras e pactistas.
Este Primeiro de Maio, máis que nunca, chegou a hora da rebelión.
VIVA O PRIMEIRO DE MAIO!
Concentración en protesta polos despidos de 4 representantes sindicais da CGT en Sykes – A Coruña
Mañá, día 13 de abril, mércores, ás 11:00 horas, a CGT ten convocada unha concentración ante a porta principal do Mercado de Elviña, na Coruña, enderezo actual do Servizo de Mediación, Arbitraxe e Conciliación.
A concentración faise para denunciar o despedimento de 4 delegados sindicais da CGT nun proceso de persecución sindical por parte da empresa do telemarketing SYKES, que se adica entre outras tarefas á promoción de diversos servizos de Vodafone. Read More
Continúan los paros y concentraciones en Sykes
Continuando la campaña de readmisión de los cuatro representantes de la CGT despedidos en Sykes-Coruña, mañana miércoles, día 16, habrá un paro en el centro de trabajo de A Coruña entre las 13 ylas 14 horas. En coincidencia con el paro, se realizará una concentración a la puerta de la empresa (Polígono de la Grela, calle Copérnico, 6 – Edificio BCA, 28).
Concentración contra os despidos en Sykes
Hoxe, ás 13 horas, un nutrido grupo de compañeiros e compañeiras de CGT concentráronse ás portas do edificio BCA, no Polígono da Grela na Coruña, onde ten as súas instalacións a empresa SYKES, do sector do telemarketing, que a pasada semana despediu a catro representantes sindicais da Confederación.
A concentración, combativa e ruidosa, ocupou por espacio dunha hora a entrada principal do edificio, coreando consignas reclamando a readmisión dos compañeiros despedidos e o fin da represión sindical contra a CGT.
As mobilizacións continuarán co calendario de paros previstos para tódolos mércores do presente mes de marzo, entre as 13 e as 14 horas.