Concentración na Coruña en defensa da Sanidade Pública

autor: Categoría: A Coruña, Convocatorias, Social

concentracion_chuacA CGT da Coruña apoia a concentración convocada para o vindeiro xoves, 3 de setembro, ás 12 horas, na rotonda do CHUAC, demandando solución para a doente Dolores Asunción. Esta mobilización está convocada pola Coordinadora Antiprivatización da Sanidade Pública, da que fai parte a CGT da Coruña.

O caso de Dolores Asunción é un exemplo mais que representa a milleiros de casos que todos e todas coñecemos. Dolores, con 76 anos, logo dunha caída que lle ocasionou a rotura dun xeonllo, leva 8 meses agardando atención, coa mobilidade reducida e precisando atención continua nas 24 horas do día. A pesar de ter presentado 4 reclamacións, aínda non foi incorporada á lista de agarda para ser operada.

Chamamos a toda a afiliación e ao conxunto da cidadanía a participar nas mobilizacións en defensa dunha sanidade pública, gratuíta, universal e de calidade.

Comité Local da CGT da Coruña

 

A CGT denuncia enchufismo en Correos

autor: Categoría: A Coruña, Compostela, Sindical

Logo CGT Correos buzonA CGT en Correos ven de presentar denuncia á Inspección de Traballo pola contratación por parte da empresa pública Correos S.A.E de persoas sen estar nas listas de contratación e sen ter superado ningún tipo de proceso selectivo neste verán para traballar no Reparto e en Atención ao Cliente. A CGT tivo constancia destes contratos irregulares efectuados en Carballo, A Coruña e, especialmente, no pavillón postal que Correos ten perto do Aeroporto de Lavacolla.

A CGT entende que nunha provincia con máis de 80000 persoas na procura de emprego, se Correos precisara a persoas para traballar debería ter acudido aos servizos públicos de emprego ou facer reabrir as bolsas de contratación eventual de xeito transparente e público a toda a cidadanía tal como lle indica o convenio colectivo en vigor.

Desde o punto de vista da CGT Correos cometeu unha grave infracción na elaboración de contratos públicos ao non publicar en ningures as bases para a contratación, os méritos cuantificábeis nin ningún outro dos requisitos imprescindibles.

Mais información no blog da Sección Sindical da CGT en Correos na Coruña

 

30 de xullo: apoio ás sancionadas de Extel

autor: Categoría: A Coruña, Convocatorias, Sindical

Nos últimos meses a empresa Extel, no seu centro de traballo da Coruña, impuxo inxustas e desproporcionadas sancións a vari@s compañeir@s,  por feitos que en ningún caso son merecedores de castigo.

O próximo día  30 de xullo terá lugar o acto de conciliación previa á demanda ante o xulgado, de oito compañeiras que foron suspendidas de emprego e soldo entre 2 e  47 días.

Por este motivo, a CGT decidiu convocar un paro ese mesmo día, de 12 da mañá ás 6 da tarde para que tod@s @s compañeir@s das dúas quendas poidan acudir á concentración que terá lugar diante do organismo oficial de mediación (sito na rúa Salvador de Madariaga: Centro Comercial Elviña) de 12:15 a 13:00 horas.

Acude á concentración, mañán podes ser ti

Solidaridade e apoio mutuo

Sección Sindical da CGT en Extel

 

Concentración en solidariedade cos traballadores de Marktel-Valencia

autor: Categoría: A Coruña, Convocatorias, Sindical

O próximo venres, 24 de xullo, en coordenación co resto da CGT en todo o Estado, convócase unha concentración diante da tenda de Vodafone (principal cliene de Marktel) na Praza de Pontevedra da Coruña, ás 12:00 horas.

O motivo da concentración é o proceso de represión e persecución que esta empresa está levando a cabo contra o sindicato en Valencia, que chega a sancións e despedimentos de representantes electos. Esta situación ven provocada porque a empresa no está disposta a tolerar a presencia dunha organización que non traga coa súa política de explotación e amedrentamento do persoal.

Máis información picando nesta ligazón.

 

Nulidade dos despedimentos en Atento na Coruña

autor: Categoría: A Coruña, Sindical

Logo do peche do servizo de información 11822 na Coruña no pasado mes de abril, no que Atento despediu 17 traballadores e traballadoras, a CGT interpuxo demanda estatal por despedimento colectivo encuberto, ao sumar máis de 30 despedimentos en todo o estado durante os tres meses anteriores.

Unha sentenza da Audiencia Nacional ven de recoñecer que se trataba dun despedimento colectivo e debería que ter sido tramitado como un ERE. Ao ter burlado Atento o procedemento legal, a sentenza declara a nulidade dos despedimentos e obriga a empresa a reincorporar as traballadoras e traballadores incluídos na demanda.

Atento_foto

Ainda que Atento xa empezou a notificar por escrito ás traballadoras que non vai interpoñer recurso contra a sentenza e que deben incorporarse ao seu posto de traballo este venres, 17 de xullo, a CGT denuncia a represalia que está a tomar Atento por perder o xuízo: mentres esixe a devolución íntegra da indemnización percibida no momento dos despedimentos nun prazo de 48 horas, é moito máis flexible na súa obriga de aboar os salarios deixados de percibir dende o despedimento ata a reincorporación.

Sección Sindical da CGT en Atento na Coruña

 

«Marea Branca» en defensa da sanidade pública o 19 de xullo

autor: Categoría: A Coruña, Compostela, Sindical, Social

CARTELcgt_sANIDADEA CGT da Coruña fai un chamado a toda a súa afiliación e ao conxunto da cidadanía a participar o vindeiro domingo 19 de xullo nunha nova "Marea Branca" convocada para as 12:30 horas no Obelisco da Coruña. Baixo o lema "A sanidade non se vende, deféndese!" esta mobilización está convocada pola Coordinadora Antiprivatización da Sanidade Pública, da que fai parte a CGT da Coruña, por unha sanidade pública, gratuíta, universal e de calidade: contra o peche de 1200 camas hospitalarias, contra a privatización da sanidade, polo dereito a vacinas e medicinas para todos e todas, … Na cidade de Compostela, a concentración terá lugar, o mesmo día e á mesma hora, na Praza do Toural.

Comité Local da CGT da Coruña

 

La CGT convoca un paro de 24 horas en los centros de Extel e Atento en A Coruña

autor: Categoría: A Coruña, Convocatorias, Sindical

El viernes 3 de julio los trabajadores y trabajadoras de Extel y Atento en Coruña están llamados a un paro de 24 horas, que coincide con los convocados en Extel Zaragoza y Málaga -también de 24 horas- y de Extel Madrid – de 3 horas.

Coincidiendo con la jornada de huelga, las trabajadoras y trabajadores de ambas empresas se concentrarán a las 12:00 delante de la tienda que Movistar tiene en la plaza de Pontevedra.

Con esta nueva jornada de protesta, los trabajadores y las trabajadoras de Atento y Extel que prestan servicio para Movistar, pretenden dar un paso más para acabar con la explotación laboral contra la que llevan luchando desde hace más de un año y que cada día se agrava más, haciendo público las deplorables condiciones laborales que sufren por parte de las empresas subcontratadas por Movistar. Read More

 

A CGT da Coruña chama a participar o 21 de xuño na «Marea Branca» en defensa da sanidade pública.

autor: Categoría: A Coruña, Convocatorias, Social

a3-marea-blanca-bj2A CGT da Coruña fai un chamado a toda a súa afiliación e ao conxunto da cidadanía a participar o vindeiro domingo 21 de xuño na «Marea Branca» convocada para as 12:30 horas no Obelisco da Coruña. Baixo o lema «A sanidade non se vende, deféndese!» esta mobilización está convocada pola Coordinadora Antiprivatización da Sanidade Pública, da que fai parte a CGT da Coruña, por unha sanidade pública, gratuíta, universal e de calidade: contra o peche de 1015 camas hospitalarias, contra a privatización da sanidade, polo dereito a vacinas e medicinas para todos e todas, …

 

Manifestación dos traballadores de Correos en Compostela

autor: Categoría: A Coruña, Compostela, Convocatorias, Sindical

O próximo sábado, día 20, a CGT, conxuntamente coa CIG, convoca unha manifestación en protesta pola situación dos traballadores de Correos. A mobilización comezará ás 11 da mañá na Porta do Camiño e rematará no edificio de Correos na rúa do Franco.

  • Menos carteir@s, menos contratación, máis recortes, máis precariedade laboral.
  • Queren acabar con nós!
  • Temos que impedilo!
  • Sen carteir@s non hai Correos
  • Pola cobertura de todas as prazas
  • Polo cumprimento do servizo público universal
  • Por unhas condicións de traballo dignas no CTA

Sindicato Federal de Correos da CGT – A Coruña

 

Outro sindicalismo é posible?

autor: Categoría: Convocatorias, Ferrol, Sindical, Social

clip_image002Mañá, martes, ás 19 horas, baixo o lema «Outro sindiclismo é posible» , as Marchas da Dignidade de Ferrolterra orgaizan un acto no centro cívico de Caranza, en Ferrol, no que participarán os sindicatos CGT, CNT, CUT, Sindicato da Elevación, SF, SLG, STEG e SXG, todos eles presentes nas Marchas da Dignidade de Galicia.

Segundo manifestan os organizadores, «Con el pretendemos que se cree outro polo sindical, oposto ao conformados por eses sindicatos convencionais, e que axude a retornar equilibrio á situación de defensa dos dereitos dos traballadores e traballadoras.»

Comité Local da CGT da Coruña