No centro laboral de Unipost na Salgueira – Vigo, denunciando a explotación dos traballadores e traballadoras ás cales ademáis a empresa adeudalles varias mensualidades.
RR.SS. CGT Vigo
Xa podes seguir as nosas accións nas redes sociais
 da CGT Vigo
Twitter:Â https://twitter.com/CgtVigo
Facebook:Â https://www.facebook.com/CGT-Vigo-338437189848070/
Pero sen esquecer que #VémonosNasRúas
@RedesCGTvigo
Vigo, concentración diante do Santander en apoio ao compañeiro Carlos
Hoxe, concentrámonos diante do banco Santander nunha acción de apoio ao compañeiro Carlos que ten xornada reducida para coidar da súa filla pequena. Nunha decisión malintencionada e arbitraria do Banco Santander, Carlos foi trasladado forzosamente a 120 kms. da súa casa coa evidente intención desfacerse dun traballador incómodo.
@RedesCGTvigo
Manifestacións das Marchas da Dignidade o 8 de outubro.
A Plataforma Galega das Marchas da Dignidade, da que fai parte a CGT de Galicia, ten convocado manifestacións nas principais cidades galegas, preparatorias da mobilización do vindeiro 24 en Compostela.
As manifestacións partirán dos seguintes puntos ás 20 horas, agás en Ferrol que o fará ás 18:30 horas:
- Vigo: Praza de Fernando o Católico.
- A Coruña: Praza de Portugal
- Compostela: Porta do Camiño
- Ourense: Subdelegación do Goberno
- Lugo: Ronda da Muralla (Edificio Xunta)
- Pontevedra: Praza da Peregrina.
- Ferrol: Praza de Amada García.
Mobilizacións contra os despedimentos no Hospital POVISA de Vigo.
Os compañeiros e compañeiras da CGT no Hospital POVISA de Vigo continúan as mobilizacións contra os despedimentos. Estas mobilizacións foron acordadas pola maioría do comité de empresa e polas seccións sindicais de CGT, CIG, SGPS, CCOO e UGT.
Dende o pasado luns 2 de marzo, se están a realizar concentracións fronte á entrada de Urxencias. O vindeiro venres, 6 de marzo está prevista unha concentración fronte ao edificio da Xunta de Galicia e a partir das 20 horas unha manifestación unitaria das organizacións sindicais CGT, CIG, SGPS, CCOO y UGT en contra dos despedimentos. O percorrido da manifestación será dende a Praza dos Cabalos ata a Porta do Sol.
Mais info: Blog da Sección Sindical da CGT no Hospital Povisa de Vigo (http://cgthospitalpovisa.blogspot.com.es/ )
Manifestacións nas principais cidades galegas en apoio ás Marchas da Dignidade
A Plataforma Galega polas Marchas da Dignidade, na que se integra a CGT de Galicia, ten convocado para o vindeiro 25 de febreiro, mércores, manifestacións nas principais cidades galegas para chamar á toda a poboación a apoiar e participar nas Marchas que o 21 de marzo confluirán na cidade de Madrid para reclamar pan, traballo e teito.
En Ferrol, a manifestación partirá do Monumento ao 10 de Marzo, ás 18:30 horas.- Na Coruña, saída da manifestación dende a Praza de Portugal, ás 20 horas.
- En Lugo, a manifestación sairá ás 20 horas dende a explanada do Edificio Multiusos da Xunta.
- En Compostela, tamén ás 20 horas, sairá a manifestación dende a Porta do Camiño.
- En Ourense, o punto de partida será o Parque de San Lázaro, ás 20 horas.
- En Pontevedra, dende A Pasarela (rúa 12 de novembro) sairá a manifestación ás 20 horas.
- En Vigo, ás 20 horas dará comezo a manifestación dende a praza de Fernando o Católico.
Continúan as mobilizacións e o acampamento pola Dignidade en Vigo
A Plataforma de Movementos Sociais de Vigo, na que participa a CGT de Vigo, levantou un acampamento chamado da Dignidade ao término dunha manifestación celebrada o pasado sábado 27 de setembro. Este acampamento estaba ubicado diante da sé da Xunta de Galicia nos xardíns de Montero Ríos, e foi desaloxado catro días despois pola policía, con 40 antidisturbios, nocturnidade e alevosía, ás 5,30 horas da madrugada. Dende o día 13 ata a actualidade, o acampamento está instalado no Monte do Castro de Vigo, xusto ao pé da Cruz dos Caídos levantada polo réxime franquista.As circunstancias nas que permanecen os acampados e acampadas logo de tantos días non é cómoda, recibindo de forma constante, ata tres ou catro veces ao día, a visita da policía.
O pasado xoves, se ten realizado unha concentración no mesmo lugar do acampamento convocada por todos os colectivos e organizacións da Plataforma. A concentración comezou ás 19.30 horas e moitos dos asistentes portaban antorchas de parafina e velas. Os asistentes constituíronse en asembleia aberta tratando de comunicar os motivos que teñen levado a erguer o acampamento e a plantexar as reivindicacións dos excluidos e excluidas.
Ver video:Â Concentración en Campamento Dignidad Vigo 30/10/2014
A CGT de Vigo apoia as mobilizacións dos movementos sociais contra os recortes nas axudas sociais
A CGT de Vigo apoia as mobilizacións convocadas pola plataforma de movementos sociais da cidade. Ademais da acampada que continúa no Monte do Castro, mañá, sábado 18 de outubro, Â a partir de las 11 horas, está convocada unha concentración diante do edificio da Xunta na praza da Estrela.
Con esta concentración se quere denunciar e reivindicar que se dedique máis fondos ás axudas sociais: Risga, axudas de emerxencia municipal, vivendas sociais, reapertura do local do programa Sereos, contratación de máis traballadores e traballadoras sociais, …
No transcurso da concentración está previsto o reparto de preto de 10.000 panfletos, moitos deles en inglés, entre a poboación da cidade e os case 15.000 turistas que chegarán a Vigo en tres barcos.
F.L. de CGT de Vigo
Actos do Primeiro de Maio da CGT de Galicia
A Confederación Xeral do Traballo (CGT) chama a participar o vindeiro Primeiro de Maio nos diferentes actos e mobilizacións que se teñen convocado en diferentes cidades galegas:
A Coruña:
- Manifestación conxunta da CGT xunto coa CUT, o STEG, o SF e o Sindicato da Elevación. Sairá ás 12:30 horas da Praza de Pontevedra.
- Xantar confederal de confraternización nos locais sindicais.
Ourense:
- Manifestación do Bloque Crítico de Ourense, formado polos sindicatos CGT, CNT, CUT, SF,
STEG e outros colectivos e individualidades. Con saída ás 12 horas dende a caseta de turismo da Ponte Romana, cun recorrido casco vello da cidade para finalizar nos Xardíns do P. Feijoo onde terá lugar a lectura do comunicado conxunto. - Xuntanza de confraternización en Oira con xantar, postos alternativos, actividades paralelas, …
Pontevedra:
- Manifestación conxunta da CGT e a CNT que sairá da Praza da Ferreiría, ás 13:00.
Vigo:
Manifestación unitaria que sairá ás 11:00 horas da Praza de Fernando o Católico (Urzaiz) e finalizará na Porta do Sol, convocada pola CGT xunto con outras organización sindiciais: CNT, CUT, Intersindical, Sindicato de Elevación, STEG, e Sindicato de Xornalistas.- Posteriormente, a partir das 14 horas, a CGT, xunto coa Oficina de Dereitos Sociais de Coia e a Rede Solidaria Popular, organizan os actos que se celebrarán na Plaza do Pobo – Cristo da Victoria de Coia: un xantar fraternal, con distintas actuacións musicais a partir das 15 horas, cos grupos Ostia Padre, Dr.Zaius, Dram, Perros Norteños e a Banda de Gaitas O Torreiro de Priegue (Nigrán), e un mitin coa intervención dun representante de cada sindicato e plataforma social presentes.
Manifestación en Madrid contra a destrución do ferrocarril público
O sábado, 30 de novembro, a CGT e o SF convocan unha manifestación en Madrid contra a decisión do goberno de segregar RENFE e dividr ADIF, nun proceso de desmantelamento do servizo público ferroviario cara a privatización definitiva deste servizo público, que terá como consecuencia a perda das condicións de traballo e a destrución do emprego.
A CGT de Galicia está a organizar o transporte para a asistencia á manifestación. Os interesados deberán poñerse en contacto coas sedes sindicais das distintas localidades.