Máis de medio centenar de traballadores e traballadoras de Correos se concentraron onte diante do edificio da Xefatura Provincial de Correos na cidade da Coruña para expresar a súa solidariedade cos compañeiros e compañeiras da Unidade de Reparto nº1 que se atopan en folga dende o pasado 4 de xuño, en protesta pola reducción dun 25% do persoal da máis importante oficina da cidade.

Os traballadores e traballadoras de Correos denunciaron a actitude represora e intransixente da dirección de correos que ten aberto 14 expedentes disciplinarios ós carteiros en folga, así como as intencións privatizadoras da empresa.

Hoxe, domingo 17 de xuño, pasadas as 12,30, daba inicio a Manifestación – Cazarolada contra os recortes e a reforma laboral, que tiñan convocado conxuntamente a CGT da Coruña e maila CUT. A pancarta da cabeceira lucía o lema da manifestación: «Políticos corruptos, patróns escravistas, banqueiros ladróns … Temos que acabar con eles».

Preto de dous centos de persoas participaron nunha ruidosa marcha que atravesou o centro da cidade con berros como «Non faltan cartos, sobran ladróns», «A ti que estás mirando, tamén te están roubando», …, para rematar na praza do Humor. Ao termino da manifestación se deu lectura aos manifestos de ambalasdúas organizacións convocantes. O voceiro da CGT da Coruña deu lectura ao seguinte texto:

Read More

A nosa compañeira Laura Gómez ten sido este serán posta en liberdade. Logo dunha intensa campaña de solidariedade con multitude de mobilizacións en todo o mundo en esixencia da súa liberación, a nosa compañeira se encontra xa en liberdade e na compañía dos seus familiares, amistades e compañeiros e compañeiras que a recibiron á porta da cadea de Wad-Rass.
A posta en liberdade da compañeira foi decretada pola xuiza cunha inxusta fianza de 6000 euros que Laura e maila CGT de Barcelona teñen decidido cubrir.
Por todo isto, a CGT da Coruña suspende a concentración que estaba prevista para o vindeiro sábado, 19 de maio, ás 12 do mediodía no Obelisco. As mobilizacións da CGT en solidariedade coa compañeira Laura se reanudarán unha vez coñecidas as datas do xuizo ata conseguir a liberdade total, incondicional e sen cargos da nosa compañeira.

As candidaturas da CGT foron as listas mais votadas nas eleccións sindicais que onte se celebraron tanto na empresa do sector do telemarketing Eurocen como en Zara Loxísitica do grupo Inditex, dúas das maiores empresas da cidade.

Na empresa Eurocen, do sector do telemarketing, a lista da CGT foi a candidatura mais votada, obtendo tamén o maior número de delegados, con 8 delegados. Tamén se celebraron votacións para a elección dos membros do comité de empresa de Zara Loxística do Grupo Inditex. Tamén neste caso, a candidatura da CGT foi a lista que obtivo un maior apoio entre os traballadores e traballadoras, resultando elixidos 7 delegados.

Estes resultados amosan o crecemento do apoio entre a clase traballadora a unha acción sindical que enfronta con firmeza os ataques do capital e dos gobernos. Os traballadores e traballadoras teñen apostado con forza pola CGT e por un modelo sindical distinto que, dende o seu carácter asembleario e combativo, seguirá a traballar na defensa dos dereitos da clase obreira apostando pola autoxestión e a solidariedade.