A CGT chama a participar activamente o vindeiro 27 de decembro na Manifestación en defensa dun traballo digno en Correos, contra os recortes e por un servizo público postal, diario e de calidade. Os traballadores e traballadoras de Correos están a sufrir cargas de traballo inasumibles, que fan que se produzan retrasos nas entregas. e un incumprimento reiterado e clamoroso da lei do servizo postal universal. Os compañeiros e compañeiras da CGT en Correos seguen a denunciar o desmantelamento que está a sofrer o servizo postal universal e chama á cidadanía a non permitir o desmantelamento dun novo servizo público, uníndoso á manifestación que sairá do Obelisco ás 12:30 horas.

Mais información no Blog da Sección Sindical da CGT en Correos na Coruña

Onte, xoves 6 de novembro, perto de medio milleiro de persoas secundaron na Coruña a convocatoria da Plataforma das Marchas da Dignidade, da que fai parte a CGT de Galicia, de celebrar manifestacións nas principais cidades galegas para animar á participación na mobilización prevista para o vindeiro 29 de novembro en Compostela.

Baixo o lema «Pan, Traballo e Teito – Camiñando cara o 29N» e desafiando ao vento e á choiva, os manifestantes sairon da Praza de Portugal pouco despois das 20 horas, para percorrer as rúas máis céntricas da cidade coruñesa, con berros de «A pan, traballo e téito, o pobo ten dereito», «Violencia é non chegar a fin de mes», … 

Ao término da manifestación, no Obelisco, deuse lectura a un comunicado chamando a encher de dignidade e loita o vindeiro 29N a praza do Obradoiro en Compostela.

Comité Local da CGT da Coruña  

A sección sindical da CGT en Extel, empresa do grupo Adecco e subcontrata de Movistar, denuncia unha nova volta de torca da empresa respecto dos dereitos dos seus traballadores e traballadoras, ao executar unha sanción moi grave cunha suspensión de emprego e soldo de 15 días a unha traballadora afiliada á CGT e membro do Comité de Empresa.

O pasado 28 de octubre, a responsable de Relacións Laborais da empresa comunicoulle por escrito uns supostos feitos atendendo unha chamada. Feitos que en ningún caso constituen falta, pero que a empresa tipifica falsamente como moi graves. Tras desta agresión á compañeira agóchase un evidente atentado contra a liberdade sindical, có propósito de sementar o medo entre os traballadores e traballadoras, e tratar de calar aos delegados e delegadas da CGT. Esta inxustiza únese ao calvario que os traballadores e traballadoras de Extel están a padecer co ataque constante nun clima laboral abafante ditado pola empresa e o seu cliente, Movistar.

Fronte a estas agresións, a CGT non vai ficar parada nin calada. O vindeiro mércores, 12 de novembro, terá lugar o acto de conciliación previo á interposición da demanda correspondente. Neste acto a empreas ten a oportunidade de retirar esta inxusta sanción. Ese día, a CGT ten convocado unha Concentración diante das portas do SMAC na rúa de Salvador de Madariaga  nº9 (no C.C. Elviña) ás 10:30 horas, para demostrar a nosa unidade e solidariedade coa nosa compañeira inxustamente sancionada.

Mais información no Blog da CGT en Extel na Coruña

Sección Sindical da CGT en Extel na Coruña

A CGT da Coruña ten acordado facer un chamamento aos seus afiliados e simpatizantes a apoiar as mobilizacións en defensa do ensino público que están convocadas polas organizacións de estudantes para os vindeiros días 21, 22, e 23 de outubro, e chamar á participación activa de todos e todas na manifestación do mércores 22 de outubro ás 12 horas con saída da Praza da Palloza, xunto cos compañeiros e compañeiras do Colectivo Estudantil Libertario da Coruña (CEL). Ao remate da manifestación terá lugar unha asemblea aberta.

Comité Local da CGT da Coruña