De non amañarse, desembocarán nunha folga indefinida na unidade
O 100% da plantilla da Unidade de Reparto 3 da Coruña concentrouse hoxe na porta da súa unidade, sita na rúa Entrepeñas número 43 do barrio da Agra do Orzán. Esta foi a primeira da concentracións, que durarán toda toda a semana, e que (en caso de non haber acordo coa dirección) desembocarán nunha folga indefinida a partir da semana que ven. Así mesmo o persoal comezará a tomar contacto con diferentes asociacións das zonas afectadas polo recorte, para informarlles da perda da calidade no servizo postal que suporá a posta en marcha do mesmo.
Lembremos que o motivo de estas concentracións é o anuncio de Correos de recortar postos de traballo de reparto nos distritos 10 e 11 da Coruña, que comprende zonas como Agra do Orzán, Labañou, Cidade Escolar, Visma, Ventorrillo, A silva ou Cidade Xardín, entre outras.
O persoal entende que o recorte presentado por Correos na devandita unidade é desproporcionado, pois as pretensións de Correos son quitar 6 postos de traballo de reparto a pé, (dos 24 que existen nestes momentos) e deixar algunhas desas sen percorrido estable (o que internamente lle chaman "flotantes"), así como non cubrir as ausencias que se produzan. O persoal alerta que estas modificacións farán empeorar a calidade do servizo e imposibilitará cumprir co servizo coa calidade que ten dereito a cidadanía, pois o persoal será insuficiente para cumprir co reparto diario.
O persoal do centro elaborou a seguinte táboa reivindicativa:
– Demandamos que se manteña o número actual de postos de traballo existentes na nosa unidade, 24 seccións de reparto a pe e 4 motorizados (1 furgoneta e 3 motocicletas), e que se cubran con persoal fixo.
– Demandamos que todas as persoas da unidade teñan unha zona de reparto estable. Coñecer a nosa zona de reparto é a maneira de prestar un mellor servizo a toda a veciñanza, e vemos tamén que inestabilidade xera peores condicións laborais.
– Demandamos que Correos se comprometa a cubrir as ausencias de persoal (baixas, vacacións, permisos), así como as seccións que proximamente quedarán vacantes por xubilación ou traslado.
– Demandamos que a empresa evite que as persoas que neste momento prestan o servizo nesta unidade teñan que ser desprazadas forzosamente.
As mobilizacións contan co respaldo da CGT, así como de CCOO, CIG, CSIF, UGT e SL.
A CGT da Coruña convoca Asemblea Xeral para o día 23 de xaneiro, luns. Os temas a debater son os que figuran na Orde do Día do Pleno de Sindicatos de Galicia, que terá lugar entre os días 28 e 29 de xaneiro na propia localidade da Coruña, e que son, entre outros, a posición da CGT na situación actual e a organización dos sectores. Asimesmo, tratarase do nomeamento de Secretario Xeral da CGT da Galicia e a designación da sede do Secretariado Permanente. Tamén na Asemblea elixiranse os compañeiros que asistirán ao Pleno en representación da CGT da Coruña.
Ante a precariedade laboral e falta de transparencia; ante un ano cheo de recargos, de sobrecarga de traballo, de presión, de irregularidades legais en todo o referente á actividade da empresa (contratación , consolidación de emprego, concursos de traslados, acordos coas administracións referentes ás notificacións, seguridade no traballo… un longo etcétera de cousas mal feitas… a CGT de Correos na Coruña quere facer un acto simbólico a víspera do día de reis.
1 de cada sete contratos de eventuais foron a «Idóneos», máis de 600 contratos no ano 2016
A CGT da Coruña comunica que, tras meses de mobilizacións, o Banco Santander aceptou retirar o traslado forzoso do compañeiro Carlos, que fora obrigado pola empresa a trasladarse desde Ferrol ata Viveiro, a 120 quilómetros do seu domicilio, A Coruña.
A CGT de Unipost-Galicia convoca unha manifestación o próximo venres, 16 de decembro, que sairá da Praza de Abastos de Compostela ás 19:00 horas, percorrerá o centro da cidade e rematará nunha concentración na Praza do Obradoiro.
O luns, 28 de novembro, as traballadoras e traballadores do sector estamos chamados a unha xornada de folga de 24 horas en todo o Estado, como continuación ás mobilizacións iniciadas pola CGT hai varios meses polo bloqueo na negociación do convenio e para esixir un convenio que garanta unhas condicións laborais dignas, nun sector no que a maior parte dos contratos son a tempo parcial, os salarios son miserables e a estabilidade laboral e a conciliación familiar, inexistentes