|
CGT Galicia http://www.cgtgalicia.org/telefonica-destrue-emprego/ Export date: Tue Jul 16 17:44:21 2024 / +0000 GMT |
Telefónica destrúe emprego Nun entorno de crise e paro sen precedentes, Telefónica, a empresa española que obtivo maiores beneficios en 2010, emprende unha importante destrución de emprego na súa filial española de telefonía fixa. Tras o anuncio da eliminación de cargos na súa estrutura, iniciou unha marea de despedimentos "pactados" de persoal fóra de convenio -ata un 6% de directivos e mandos intermedios. Despidos por absentismo xustificado* e disciplinarios completan esta primeira fase que pretende atemorizar ao cadro de persoal e preparar o ERE anunciado por Guillermo Ansaldo en diversas provincias. Esta situación, que para a Confederación Xeral do Traballo é un atentado contra o emprego digno e ameaza con destruír miles de postos de traballo, provocou a convocatoria dunha folga indefinida de media xornada pola readmisión das persoas despedidas e na defensa do noso emprego. Hoxe, 7 de abril, se realizará a segunda xornada de paro, tras o paréntese das eleccións sindicais na empresa. Esta mobilización, iniciada o pasado 17 de marzo e que contou coa participación de 5000 persoas, foi convocada simultaneamente polos sindicatos CGT, STC e AST-COBAS que suman 5 dos 13 delegados do Comité Intercentros. Dende o sindicato CGT entendemos que en momentos de crise son as grandes empresas, especialmente as que foron públicas, quen deben xerar emprego de calidade, en troques de destruílo por calquera vía e seguir externalizando actividade a terceiros países ou a subcontratas con altos niveis de precariedade laboral. Saúde e liberdade * As cartas de despido por esta causa inclúen a seguinte legal, pero moi inmoral, frase: "…sus reiteradas ausencias, aun justificadas… hacen que… no resulte rentable… por lo que no existe otra solución que… resolver su contrato de trabajo". |
|
Post date: 2011-04-07 11:47:29 Post date GMT: 2011-04-07 10:47:29 Post modified date: 2011-04-07 11:47:29 Post modified date GMT: 2011-04-07 10:47:29 |
|
Export date: Tue Jul 16 17:44:21 2024 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |
