post

Complicidade sindical para que Navantia incumpla unha sentenza

O caso da excluída por ‘exceso de madureza persoal e exceso de coñecemento profesional’

Cando no outono de 2023 saíu a sentenza condenando a Navantia a convocar á excluída “para la última fase del proceso selectivo”, o comité de empresa, por unanimidade, esixiulle á dirección “incorporar sen máis dilación á demandante”, dado que a última fase é o recoñecemento médico.

Cando no outono de 2024 o Supremo rexeitou o recurso de Navantia e a sentencia foi firme, o comité reiterou a súa esixencia.

A día de hoxe, Navantia, diga o que diga, segue sen facer nada para cumprila. Todo o contrario: recorreu ós seus sindicatos amigos para que lle axuden a incumprila.

O 20 de decembro, a empresa, MAS e CCOO asinaron unha acta propoñendo que a compañeira excluída teña que disputarse 1 praza coas 85 persoas desa convocatoria que non ingresaron en Navantia.

A manobra é tan sucia como clara: queren ter unha escusa para volver a deixala fóra simulando un proceso limpo.

Aquí hai unha persoa excluída ilegalmente dunha convocatoria de prazas. Os 85 candidat@s que non ingresaron remataron o proceso. Se fosen parte interesada nesta demanda, o xuíz tería ordenado que se lles codemandase (como fixo coas 42 persoas que si ingresaron).

Por tanto, o que hai que determinar agora é se unha das 42 prazas de dita convocatoria debeu ser para a excluída. E se a resposta é si, Navantia ten que enviala a recoñecemento médico e, de superalo, contratala.

A propia acta é unha proba desta sucia manobra:

  • En contra do habitual, non diferencia entre os representantes da parte empresarial e os da parte social. Tampouco identifica o sindicato ó que pertencen estes.
  • Tanto a empresa como MAS, CCOO e CIG se negaron a que o delegado da CGT figurase na acta como participante de pleno dereito; aparece como “invitado”. Tamén rexeitaron que a acta recollese a súa opinión.

O obxectivo é evidente: excluíron á CGT da acta para enviarlle a súa indecente propostaó xuíz como un acordo entre empresa e comité, a fin de aumentar as posibilidades de que o xuíz a tome en consideración.

O argumento para excluírnos da actaé que a CGTnon está na comisión de Formación. É un argumento falaz e espurio porque unha cousa é a comisión de Formación (unha comisión interna do comité) e outra a comisión de Emprego (unha comisión mixta empresa-sindicatos), como demostran as actas desta comisión de Emprego desde que se creou en 2019, actas nas que:

  • Aparecen delegados de UGT a pesar de que este sindicato non está na comisión de Formación polo menos desde as eleccións sindicais de 2015.
  • Aparece un delegado de CCOO que non era da comisión de Formación.
  • Hai incluso unha acta na que figura como representante sindical unha persoa que non só non era da comisión de Formación, senón que nin sequera era membro do comité de empresa.

A pregunta do millón é esta: A que pode deberse que uns sindicatos que en outubro do 23 e outubro do 24 lle esixiron á empresa que enviase á excluída ó recoñecemento médico desen, dous meses máis tarde, un xiro copernicano e participen agora en toda esta argallada?

Ocórrensenos tres posibles respostas:

  1. Teñen que pagarlle á empresa favores concedidos.
  2. É unha contrapartida a cambio de que a empresa lles siga “botando unha manciña” en futuros procesos de ingreso (por exemplo, aceptando unha reclamación presentada fóra de prazo; isto non é unha suposición, a CGT xa logrou demostralo nun caso).
  3. Unha combinación das dúas anteriores.

A CGT esixe á dirección de Navantia e ós seus sindicatos amigos que se deixen de manobras sucias e cumpran a sentenza.

Sección Sindical Unitaria – CGT Navantia

 

post

O persoal de Navantia votou NON al Convenio

O pasado martes, día 17, o persoal de Navantia votou en contra de asinar o novo Convenio Colectivo auspiciado polo resto dos sindicatos compinchados coa empresa. O NON gañou co 56% dos votos, co que se pode dicir que a empresa, e os sindicatos amigos, levaron unha labazada tremenda. Toda a información está no número 194 da «Folla da CGT«, editada pola CGT de Navantia-Ferrol. Pódese ver ou descargar picando nas ligazóns de embaixo.

Sección Sindical Unitaria da CGT en Navantia – Ferrol

 

post

A CGT de Navantia vota NON

A Folla da CGT, a publicación da Sección Sindical Unitaria en Navantia chega ao seu número 193 nun momento de especial importancia.

Neste número se dan os argumentos, explicados, de por que a CGT pide o voto NON para o preacordo do Convenio Colectivo. En resumo son os seguintes:

  • Non se coñece o texto completo e definitivo do articulado e anexos.
  • Hai que comparar o texto do preacordo coa plataforma reivindicativa aprobada polos traballadores.
  • Non se recupera o sistema de promoción.
  • Estamos nun bo momento para a loita reivindicativa.

Se queredes a Folla completa, so tedes que conseguila picando nas ligazóns de embaixo.

Sección Sindical Unitaria da CGT en Navantia

 

post

Navantia Ferrol: todo o apoio á folga do metal

O días 5, 12, 18 e 19 deste mes está convocada folga no metal pola negociación do convenio provincial de sidero.

As reivindicacións centrais dos traballador@s son recuperar poder adquisitivo e cláusulas de revisión que garantan que non se perda máis, ampliar o dereito de subrogación, limitación das ETT, regulación do tóxico, penoso e perigoso…

Pola outra banda, a patronal mantén unha postura moi lesiva para os traballador@s: 6 anos de vixencia, sen cláusula de revisión salarial, aumento da xornada flexible…

Tras máis de dous anos (o convenio rematou o 31/12/2019), a patronal non só non cede, senón que aínda endurece máis a súa postura. Está claro que a case total ausencia de mobilizacións foi un erro.

Hai que dar unha resposta. Neste senso, esta folga é un paso moi importante porque a folga é unha ferramenta clave para que os traballador@s poidamos defender e conquistar dereitos.

Temos que mirar a exemplos marabillosos como a folga do metal de Cádiz e comprender a necesidade de estender a loita a outros traballador@s, á mocidade e ó pobo en xeral.

Esta estensión ten que comezar dentro das factorías de Navantia. O convenio da principal rematou o pasado 31 de decembro. Temos que unir forzas, temos que recuperar a unidade que houbo no pasado entre a principal e as compañías para loitar todos unidos en defensa duns intereses que son COMÚNS. Hoxe por ti e mañá por min, como sempre se dixo. Todos sairemos gañando.

A CGT dá total apoio a esta folga e, por tanto:

  • Chamamos a tódolos TRABALLADOR@S DA INDUSTRIA AUXILIAR a sumarse á folga e a participar activamente na mesma (piquetes, asembleas, mobilizacións…).
  • Chamamos a tódolos TRABALLADOR@S DA PRINCIPAL a apoiar ós compañeiros da Industria Auxiliar e a respectar os seus piquetes. A CGT propuxo na permanente do comité de empresa de Navantia-Ferrol celebrar mañá unha ASEMBLEA XERAL para decidir sobre a participación dos traballador@s da principal nas mobilizacións que haxa os días de folga. A decisión da permanente foi esperar a que por parte das federacións convocantes da folga haxa unha petición neste sentido.

UNHA SOA CLASE, UNHA SOA LOITA!

POLA UNIDADE D@S TRABALLADOR@S!

Sección Sindical Unitaria da CGT en Navantia – Ferrol

 

 

post

Navantia: Folla 86

Hoxe saíu un novo número da publicación da CGT de Navantia, que ten o seguinte contido:

  • Conversión de eventuais en fixos
  • Sen información sobre Turbinas
  • A empresa róubanos nos pases
  • Prazas operarios-empregados
  • Horas sindicais de novembro

Pódese ler ou descargar esta Folla picando nas ligazóns de embaixo.

Sección Sindical Unitaria de CGT en Navantia-Ferrol

 

post

CGT Navantia sobre o Metal de Cádiz: non foi unha derrota, foi unha traizón

A CGT de Navantia de Ferrol fixo pública unha nova Folla da CGT. este número, que é o 85 da publicación, ten o seguinte contido:

  • Metal de Cádiz: non foi unha derrota, foi unha traizón
  • Impagamento do Plus de Distancia
  • Convocatorias de prazas: o Comité debe revisarlo todo
  • 25-N, Día Internacional contra a Violencia de Xénero
  • Calendario laboral 2022

Pódese abrir ou descagar esta Folla picando nas ligazóns de embaixo.

Sección Sindical Unitaria da CGT en Navantia-Ferrol

 

post

Navantia Ferrol: ¡non seremos esquirois!

No hay que explicar la lucha ejemplar de los compañeros del Metal de Cádiz por sus derechos. Todos los trabajadores sabemos lo que está pasando. Millones vemos su lucha con esperanza y deseamos su victoria. Pero también hay acontecimientos que no tienen una dimensión pública y deben ser conocidos.

La dirección de Navantia ha pedido a trabajadores de un gremio de la factoría de Ferrol que se desplazasen a la factoría gaditana de San Fernando para trabajar en los preparativos de la botadura prevista para el mes que viene allí, que lógicamente se están viendo afectados por la huelga, que para eso se hace: l@s trabajador@s perdemos salario para afectar a la producción, no porque seamos masoquistas.

Todos los compañeros rechazaron tal posibilidad. La CGT considera una vergà¼enza que la dirección de Navantia intente que trabajadores de nuestra factoría contribuyan a boicotear la huelga de los compañeros del metal de Cádiz. La CGT exige la dimisión de los directivos de Navantia responsables de esta maniobra sucia e impresentable. Además, la CGT ya planteó en el seno del comité de empresa de Navantia-Ferrol, donde contamos con 3 delegados, la necesidad de una acción de repudio de toda la plantilla de nuestra factoría contra este intento de convertirnos en esquiroles.

Navantia es una empresa 100% pública, es decir, depende del Gobierno de turno. Y supuestamente estamos ante el Gobierno más progresista de la historia, pero es un Gobierno que envía tanquetas a un barrio obrero para reprimir a trabajadores que, tras años perdiendo salarios y derechos, dicen ¡basta! y se levantan para luchar por su dignidad.

Lo único que conseguirán el PSOE y Unidas Podemos con estas políticas es darle oportunidades a la derecha y a la extrema derecha: el fascista Abascal criticó la represión de Marlaska, ¡él, que se manifiesta con los cuerpos represivos contra la tímida reforma de la Ley Mordaza! Es un caradura. Pero la oportunidad para hacer esa demagogia se la da la represión del Gobierno.

Cádiz es el ejemplo de lo que debemos hacer todos los trabajadores y trabajadoras. Pero tenemos que ser conscientes de que nuestros problemas no son de ámbito territorial o sectorial. Son problemas DE CLASE. O avanzamos tod@s, o retrocedemos tod@s.

Y llevamos décadas de retrocesos por culpa de una patronal voraz y de unas cúpulas sindicales de CCOO y UGT que tragan con todo, firman retroceso tras retroceso y con frecuencia incluso actúan para acabar con las luchas de l@s trabajador@s.

Estamos ante una auténtica guerra de l@s empresari@s contra l@s trabajador@s. Hay que extender el ejemplo de Cádiz, hay que unificar todas las luchas, hay que organizar una REBELIÓN SOCIAL DE TODA LA CLASE OBRERA para poner fin a la degradación de las condiciones de vida y trabajo, y que todo ser humano tenga garantizada una vida digna desde que nace hasta que muere. El capitalismo sólo nos ofrece miseria.

Sección Sindical Unitaria de CGT en Navantia – Ferrol

 

post

Navantia Ferrol: solidariedade coa loita do Metal de Cádiz

Este é o primeiro artigo da Folla da CGT número 84, que acaba de ser publicada pola Sección Sindical Unitaria da CGT en Navantia-Ferrol. Ten o seguinte contido:

  • Solidariedade co Metal de Cádiz. Concentración
  • Éxito da Folga Xeral da Mariña
  • Novas sobre prazas de operarios-empregados
  • Acordo de pensións: chove sobre mollado
  • A nómina no Periscopio
  • Contratos temporais abusivos
  • Furor contratante da empresa

Pódese ver ou descargar esta Folla picando nas ligazóns de embaixo.

Sección Sindical Unitaria da CGT en Navantia-Ferrol

 

post

Unificar as loitas e máis, na Folla da CGT de Navantia

Neste número 83, o contido é o seguinte:

  • Fronte a ofesiva patronal, hai que unificar as loitas
  • FP dual
  • Denunca na Inspección polo Plus de Distancia
  • ¿Reforma laboral ou unha broma?
  • E as empresas non quebraron
  • Prazas operarios-empregados sénior
  • Cartucho de Nadal

Pódese ler ou descargar esta Folla picando nas ligazóns de embaixo.

Sección Sindical Unitaria de CGT en Navantia-Ferrol