CGT Galicia
http://www.cgtgalicia.org/solidariedade-cos-detidos-da-cut/
Export date: Wed Jul 17 22:31:59 2024 / +0000 GMT

Solidariedade cos detidos da CUT


  O Secretariado Permanente da Federación Local de Vigo da Confederación Xeral do Traballo diante da detención a semana pasada de dous compañeiros da Central Unitaria de Traballadores quere manifestar á opinión pública e ao conxunto dos traballadores/as o seguinte:



1.- Amosar a nosa solidariedade cos compañeiros detidos, as súas familias e coa Central Unitaria de Traballadores.

2.- Nun estado de dereito un dos principios fundamentais é a presunción de inocencia, isto é, calquera encausado non ten a obriga de demostrar a non comisión do delicto que se lle imputa, senón que son os tribunais os que deben demostrar a súa culpabilidade. As novas publicadas na prensa durante toda a semana pasada, salvo raras excepcións, vulneraban gravemente este principio.

3.- A intencional relación entre a actividade sindical dos compañeiros detidos e as supostas accións violentas que se lle imputan supoñen un intento de criminalización dun modelo sindical combativo, asembleario e de base que se rexe exclusivamente pola defensa dos intereses dos traballadores e traballadoras.

4.- Reclamamos a inmediata posta en liberdade do compañeiro Telmo e o cesamento da campaña represiva que o sindicalismo asembleario e de base está a sufrir tanto en Galiza como no conxunto do Estado Español.

 
Post date: 2011-03-18 20:30:34
Post date GMT: 2011-03-18 19:30:34

Post modified date: 2011-03-18 20:33:16
Post modified date GMT: 2011-03-18 19:33:16

Export date: Wed Jul 17 22:31:59 2024 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com