Solidaridade da CGT da Coruña co historiador Dionisio Pereira

• O noso rexeitamento da acción xudicial que se promove contra o coñecido historiador Dionisio Pereira, que se ten destacado pola súa constante labor a prol da recuperación da memoria dun tempo que nos quixeron e queren facer esquecer.


• O noso apoio total ó compañeiro Dionisio Pereira, a disposición de quen poñemos os medios deste Sindicato de cara á súa defensa e á continuación do seu labor investigador.


• A nosa condena de todo intento de silenciar a memoria dos represaliados polo franquismo pola súa loita por un mundo novo, en xustiza e liberdade.


• O noso desexo de que os atrancos que algúns tratan de poñer á recuperación da memoria histórica, sexamos quen entre todos e todas de convertelos en novos pulos no esforzo de descubrir e difundir a verdade que tanto tempo permaneceu agochada.