|
CGT Galicia http://www.cgtgalicia.org/se-atento-quere-lio-vaise-fartar/ Export date: Tue Jul 16 8:02:33 2024 / +0000 GMT |
Se Atento quere lío, vaise fartar Este xoves, día 18 de agosto, ás 20:00 horas, a CGT volve convocar unha concentración diante do centro de traballo que a empresa Atento ten na Coruña (Juan Flórez, 89).A CGT non vai permitir que esta empresa, continúe acosando e sancionando aos traballadores por motivos falsos con ata 60 días de suspensión de emprego e soldo. O único motivo real de Atento é intentar asustar aos traballadores que non aceptan as súa política de ameazas, coaccións e persecución constante, especialmente aos representantes e afiliados da CGT. Entre os sancionados con 60 días sen cobrar está a Secretaria Xeral da Sección Estatal da CGT en Atento. A Sección Sindical conseguiu nestes últimos tempos parar un ERE, que tamén se cualificara como ERE encuberto unha serie de despedimentos fóra de toda norma, así como ten presentadas numerosas demandas na Inspección como nos Tribunais. Tamén a Sección se empregou contra os métodos coactivos de control da empresa, que pretende gravar a todos os traballadores durante todo o día, feito que consideramos contrario á dignidade e á boa fe contractual. A CGT non vai parar nin no seu enfrontamento coa empresa mentres non cambie a súa tiránica política de persoal, nin vai deixar aos traballadores sancionados na estacada. Se a empresa quere pelexa, pelexa terá. Â DOUS MESES SEN COBRAR, TERRORISMO PATRONAL! SE TOCAN A UNH@, TÓCANNOS A TOD@S! NINGUNHA AGRESIÓN SEN RESPOSTA! Sección Sindical da CGT en Atento - A Coruña |
|
Post date: 2016-08-16 17:47:57 Post date GMT: 2016-08-16 16:47:57 Post modified date: 2016-08-16 17:51:48 Post modified date GMT: 2016-08-16 16:51:48 |
|
Export date: Tue Jul 16 8:02:33 2024 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |
