|
CGT Galicia http://www.cgtgalicia.org/non-a-represion-en-dalphi-metal-maria-jesus-readmision/ Export date: Tue Jul 16 9:32:44 2024 / +0000 GMT |
Non á represión en Dalphi-metal. María Jesús Readmisión! Unha reclamación de cantidades da compañeira desemboca no despedimento, vulnerando o dereito fundamental de tutela xudicial efectiva. María Jesús traballaba na empresa de limpeza Galeserga, subcontrata de Dalphi-metal, esta empresa deixou de pagarlle o seu salario a mediados de2009, ante o cal a compañeira, como é lóxico, reclamou ditas cantidades. O xulgado resolve a favor da traballadora, condenando a ambas empresas a reintegrarlle as cantidades adebedadas e que por xustiza lle corresponden. Previamente, ante a situación de falta de solvencia de Galeserga, a traballadora é subrogada á empresa Star, aló polo mes de xaneiro de 2010. A empresa Star, do ex-dono de Limpezas A Guía, famosa e gran coñecida de Inspección de Traballo, comeza unha campaña de apercibimentos mediante burofax contra a traballadora o mesmo día que se vai de baixa, e ao reincorporarse de novo, tras ter que esgotar as vacacións, comunícaselle un despido por baixo rendemento. Dende CGT entendemos que en realidade se trata dunha clara persecución e represión por ter reclamado ante os tribunais e, aínda por riba, gañar dita batalla ás empresas. Esiximos a inmediata readmisión da compañeira despedida. Concentración xoves 28 de xullo 10:00 am diante da empresa DALPHI METAL TRW (Camiño do Caramuxo nº35, Vigo) Sindicato de Limpeza e Mantemento de Vigo CONFEDERACIÓN XERAL DO TRABALLO |
|
Post date: 2011-07-27 15:06:53 Post date GMT: 2011-07-27 14:06:53 Post modified date: 2011-07-27 15:08:38 Post modified date GMT: 2011-07-27 14:08:38 |
|
Export date: Tue Jul 16 9:32:44 2024 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |
