O próximo xoves, 8 de marzo, ás 11:30 horas, terá lugar unha concentración de traballadoras da empresa conserveira ALFAGEME, da comarca de Arousa, diante do edificio do Banco Popular, no Cantón Grande, número 5, da Coruña. O motivo da concentración e esixir o desbloqueo da situación da empresa ante o Xulgado do Mercantil 3 de Pontevedra, coa sinatura, por parte da Banca e da Xunta de Galicia dun documento coas garantías suficientes para que o cadro de persoal se incorpore inmediatamente aos seus postos en Vilaxoán e Rubadumia nas condicións pactadas co Consorcio, o grupo conserveiro cántabro interesado en poñer en marcha a produción nas dúas factorías.