CGT Galicia
http://www.cgtgalicia.org/manifestacion-do-primeiro-de-maio-na-coruna-organizate-e-loita/
Export date: Tue Mar 11 7:00:42 2025 / +0000 GMT

Manifestación do Primeiro de Maio na Coruña: Organízate e Loita


Manifestación 1 Maio

 


 


Este Primeiro de Maio, a Confederación Xeral do Traballo (CGT) da Coruña manifestouse polas rúas mais céntricas da cidade, baixo o lema "Contra a explotación, organízate e loita".



 


Nun ano fondamente marcado na cidade coruñesa pola perda de postos de traballo, polo peche de empresas e polo aumento da precariedade no emprego, cerca dun centenar de traballadores e traballadoras secundaron a mobilización convocada pola CGT.


A forte e continua choiva, que restou participación a tódalas convocatorias de actos do primeiro de maio, acompañou durante todo o percorrido á manifestación que partiu, pasado xa o mediodía, da praza de Pontevedra.

Durante todo o percorrido se berraron consignas contra o peche de empresas, contra osManifestación 1 maio despidos en Atento, contra a explotación e a represión sindical, mentres soaban as notas de "A las barricadas", ata o remate da manifestación na praza do Humor.

Con posterioridade cerca dunha trintena de militantes celebramos nos locais sindicais un xantar de confraternización confederal.
Post date: 2007-05-03 03:12:11
Post date GMT: 2007-05-03 02:12:11

Post modified date: 2007-05-03 12:31:25
Post modified date GMT: 2007-05-03 11:31:25

Export date: Tue Mar 11 7:00:42 2025 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com