CGT Galicia http://www.cgtgalicia.org/folga-xeral-e-manifestacion-da-cgt-en-pontevedra/ Export date: Fri Apr 4 17:09:43 2025 / +0000 GMT |
Folga Xeral e manifestación da CGT en Pontevedra![]() Durante todo o percorrido da manifestación foron coreadas consignas contra a reforma das pensións, a reforma laboral, os despedimentos e expedientes de regulación de emprego, contra os gobernos e a patronal, a represión contra os sindicalistas da CGT (en particular referencia ós tres despedidos en Citroen-Vigo) e a favor da necesidade de continuar as mobilizacións logo desta folga xeral. Ao término da manifestación, o secretario da F.L. de Pontevedra dirixiuse ós presentes, para reafirmar a necesidade da mobilización contra a traición sindical e social que esa mesma mañán tiña ofrecido un dos exemplos más vergoñentos dos últimos anos: a sinatura polas cúpulas de CC OO e UXT dun pacto co goberno para dinamitar o sistema público de pensións. A folga xeral tivo un seguimento moi irregular en Pontevedra e comarca. Pecharon a maior parte dos talleres do polígono industrial do Campiño, do mesmo xeito que os concesionarios de automóviles, con alguna excepción. Tamén fixeron folga os traballadores da limpeza pública. O seguimento da folga no transporte foi reducido, ainda que no porto de Marín o paro foi masivo, tanto nos frigoríficos como no transporte portuario e administración. Lamentablemente a incidencia da folga foi muito menor, moi escasa, no sector de servicios, na banca, no pequeno e mediano comercio, nos medios de comunicación e tamén na administración pública e no ensino. |
Post date: 2011-01-28 19:57:52 Post date GMT: 2011-01-28 18:57:52 Post modified date: 2011-01-30 11:57:36 Post modified date GMT: 2011-01-30 10:57:36 |
Export date: Fri Apr 4 17:09:43 2025 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |