|
CGT Galicia http://www.cgtgalicia.org/en-defensa-de-alfageme-e-os-postos-de-traballo/ Export date: Mon Dec 23 16:39:21 2024 / +0000 GMT |
En defensa de Alfageme e os postos de traballoPanfleto de CGT - Arousa repartido hoxe, 16 de marzo, na concentración realizada polas representantes sindicais de CGT en Alfageme ante o edificio administrativo da Xunta (e do IGAPE) en Vigo. As traballadoras de Alfageme en Vilaxoán e a CGT manifestamos a nosa vontade de defender os postos de traballo e a continuidade da actividade produtiva conserveira, ameazados polos intereses urbanísticos dos propietarios de Alfageme e pola irresponsable complicidade dos sucesivos gobernos da Xunta. Tamén lle esiximos á empresa que pague os salarios que adeuda. Non consentiremos ningunha ‘solución" para as dificultades actuais da empresa, que non pase polo mantemento dos postos de traballo e a elaboración dun Plan de empresa que garante a continuidade da producción conserveira. ¿Cómo foi posible que unha coñecida empresa como Alfageme en tan só tres anos chegase a estar a piques da ruina económica e ameace con mandar ó paro a centos de traballadores e traballadoras, ó mesmo tempo que recibía da Xunta de Galicia, a través do IGAPE, avales bancarios por valor de máis de 44 millóns de euros? Non temos máis que repasar a historia destes tres últimos anos para saber o que pasou, quenes son os responsables e, por suposto, como podemos salir desta situación. En decembro de 2006 a inmobiliaria Promalar fixose única propietaria de Conservas Alfageme, coas súas catro factorías, en Vigo (r/ Tomás Alonso), Ribadumia, O Grove (Marsac) e Vilaxoán (antes Conservas Peña). Apenas tres meses máis tarde os propietarios fixeron público un Plan Estratéxico, que anunciaba o peche das catro fábricas e a suposta construcción de duas novas, unha na comarca de Vigo e outra no Salnés. A operación íase financiar co valor dos solares liberados e ‘xenerosas" axudas da Xunta de Galicia (os famosos avales por máis de 7.000 millóns das antigas pesetas), entre outras subvencións. Este era o verdadeiro obxectivo de todo o ‘Plan": que a inmobiliaria Promalar quedase co solar da r/ Tomás Alonso en Vigo valeiro e, previa recalificación urbanística, poder adicalo á construcción. Antes, a representación sindical de Vigo(Comité de empresa e as centrais CIG e UGT) asinaron coa empresa un acordo polo que admitían o peche da histórica fábrica. Só a CGT denunciou estes plans, por entender que se trataba dunha operación especulativa inmobiliaria, sin relación algunha coa industria conserveira, que poñía en perigo a continuidade de todos os centros de traballo, non só o de Vigo. Este Plan, sexa na sua versión antiga de 2007, sexa na versión actual do Plan de Viabilidade de 2009, non é máis que un fraude ós traballadores e a toda a sociedade, pois coa apariencia dunha estratexia industrial agóchase unha operación de desvío masivo de cartos públicos para petos privados. A situación actual ven dando a razón á CGT e ás traballadoras de Vilaxoán, que se mobilizaron ó longo de tres anos para evitar a desfeita. Bastou que estalara a crise inmoboliaria ... que o desinterés dos empresarios pola conserva desmerecera a producción ... que a recalificación dos solares non cumplira todas as expectativas de Promalar ... que a deuda financieira crecera sen control ... e que os traballadores de Vigo, O Grove e Ribadumia tolerasen todo isto sen mobilizarse ... para que estemos hoxe na situación límite que estamos a vivir. A CGT esixelle á Xunta de Galicia, que a través do IGAPE avalou este despropósito, que asuma a súa responsabilidade, aposte por manter a actividade conserveira e a continuidade dos postos de traballo e por recuperar os cartos publicos comprometidos. A CGT esixelle ós propietarios da empresa (novos ou vellos) a inmediata elaboración dun plan industrial conserveiro que garante os postos de traballo. Vigo, 16 de marzo 2010 |
|
Post date: 2010-03-16 19:37:53 Post date GMT: 2010-03-16 18:37:53 Post modified date: 2010-03-23 19:06:23 Post modified date GMT: 2010-03-23 18:06:23 |
|
Export date: Mon Dec 23 16:39:21 2024 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |
