CGT Galicia
http://www.cgtgalicia.org/correos-sancionado-con-falta-grave-pola-contratacion-a-dedo-na-coruna/
Export date: Fri Apr 4 2:37:02 2025 / +0000 GMT

Correos, sancionado con falta grave pola contratación a dedo na Coruña


sancion_inspeccion_traballo1 de cada sete contratos de eventuais foron a "Idóneos", máis de 600 contratos no ano 2016

A sanción ven logo da denuncia presentada polo noso sindicato, indicando que Correos leva ano e medio formalizando contratos a persoal enchufado, e seleccionado a dedo sen mediar ningún tipo de proba de selección coñecida e transparente, tal como é a obriga de calquera organismo público
Correos tentou argumentar que isto era debido a desaxustes organizativos puntuais, e que eran casos extraordinarios, feito que puidemos probar que non era asi, contabilizando mais de 600 contratos a persoal que non pasara ningún tipo de proceso selectivo transparente, sobre un total de pouco mais de 3000 contratos temporais no 2016. Isto ven sendo mais do 15%, ou dito de outra maneira 1 de cada 7 contratos na provincia da Coruña neste ano foi feito a unha persoa que non pasou ningún tipo de proceso selectivo.
Desde o nosos sindicato, CGT, esiximos en diferentes ocasións a Correos que abrise as bolsas de contratación á cidadanía,que regulase as colindancias ou, en último caso, que acudise aos sistemas públicos de contratación, nunca recibindo resposta ás nosas suxerencias. Feito que tamén recolle a inspección de traballo como sancionable na súa resolución.
Continuaremos esixindo responsabilidades internas na dirección de zona, e comunicaremos este feito á fiscalía para que estude as posibles responsabilidades que poidan ter as persoas que decidiron contratar de este xeito irregular. Queremos chegar ao fondo de este asunto e pedir as responsabilidades pertinentes ás persoas que autorizaron a utilización de diñeiro público para contratar, e tamén cales foron os criterios de selección que se seguiron para contratar a esas persoas.

Sección Sindical CGT-Correos A Coruña
Post date: 2016-12-16 07:52:00
Post date GMT: 2016-12-16 06:52:00

Post modified date: 2016-12-16 07:52:00
Post modified date GMT: 2016-12-16 06:52:00

Export date: Fri Apr 4 2:37:02 2025 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com