CGT Galicia
http://www.cgtgalicia.org/concentracion-o-12-de-novembro-contra-a-represion-en-extel-na-coruna/
Export date: Fri Apr 4 2:36:07 2025 / +0000 GMT

Concentración o 12 de novembro contra a represión en Extel na Coruña


adecco noA sección sindical da CGT en Extel, empresa do grupo Adecco e subcontrata de Movistar, denuncia unha nova volta de torca da empresa respecto dos dereitos dos seus traballadores e traballadoras, ao executar unha sanción moi grave cunha suspensión de emprego e soldo de 15 días a unha traballadora afiliada á CGT e membro do Comité de Empresa.

O pasado 28 de octubre, a responsable de Relacións Laborais da empresa comunicoulle por escrito uns supostos feitos atendendo unha chamada. Feitos que en ningún caso constituen falta, pero que a empresa tipifica falsamente como moi graves. Tras desta agresión á compañeira agóchase un evidente atentado contra a liberdade sindical, có propósito de sementar o medo entre os traballadores e traballadoras, e tratar de calar aos delegados e delegadas da CGT. Esta inxustiza únese ao calvario que os traballadores e traballadoras de Extel están a padecer co ataque constante nun clima laboral abafante ditado pola empresa e o seu cliente, Movistar.

Fronte a estas agresións, a CGT non vai ficar parada nin calada. O vindeiro mércores, 12 de novembro, terá lugar o acto de conciliación previo á interposición da demanda correspondente. Neste acto a empreas ten a oportunidade de retirar esta inxusta sanción. Ese día, a CGT ten convocado unha Concentración diante das portas do SMAC na rúa de Salvador de Madariaga  nº9 (no C.C. Elviña) ás 10:30 horas, para demostrar a nosa unidade e solidariedade coa nosa compañeira inxustamente sancionada.

Mais información no Blog da CGT en Extel na Coruña 1

Sección Sindical da CGT en Extel na Coruña
Links:
  1. http://cgtextelcoruna.blogspot.com.es/
Post date: 2014-11-05 16:41:01
Post date GMT: 2014-11-05 15:41:01

Post modified date: 2014-11-05 18:06:32
Post modified date GMT: 2014-11-05 17:06:32

Export date: Fri Apr 4 2:36:07 2025 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com