|
CGT Galicia http://www.cgtgalicia.org/cgt-pontevedra-manifestacion-1o-maio/ Export date: Wed Jul 17 3:20:53 2024 / +0000 GMT |
CGT Pontevedra: Manifestación 1º Maio Baixo o lema inicial "Contra o paro e a precariedade. Pola Defensa dos Servizos Públicos ... A loita continúa", a CGT de Pontevedra convoca este 1º de Maio unha manifestación, con saída ás 12,45h da Praza da Ferrería e finalización diante da Sub-delegación do goberno. É outro Primeiro de Maio para recordar e recoñecer que -tal como ocurríu en 1886, en Chicago, na loita pola Xornada universal de 8 horas- a única resposta eficaz contra as inxustizas provocadas polo rexime económico, social e político autoritario que (des)goberna e tiraniza ó conxunto da sociedade é a movilización, a reivindicación consciente e a auto-organización da clase traballadora. Unha vez máis dispoñémonos a manifestar en Pontevedra que a loita continúa, pois están moi lonxe de cumprirse as nosas reivindicacións de igualdade e reparto da riqueza social e os nosos ideais de xustiza e liberdade: - Contra o paro, a precariedade laboral e a exclusión social; - Para combatir a desigualdade, a devastación da natureza, a corrupción xeneralizada e o saqueo do patrimonio público e a usurpación da riqueza social, colectivamente construida, dispostos a evitar que a crise económica provocada pola codicia capitalista remate convertíndose nunha xigantesca estafa social; - Para derogar a Reforma laboral e paralizar a política de recortes e privatizacións dos servizos públicos e os ataques os Sistemas Públicos de pensións, sanitario ou de ensino. - Para acabar con todas as leises Mordaza e desafiar á violenta represión institucional que usan os poderosos de toda sorte para soster o actual réxime de inxustiza e explotación laboral, económica e social. - Para lograr, entre todos, sin xefes nin amos, unha sociedade xusta e libre, en igualdade e, por tanto, combatir o rexime capitalista e os Estados fortaleza que asesinan cada día a centos de persoas: afogándoas, bombardeándooas, escravizándoas, condenándos á fame, á malnutrición e á miseria máis insufrible. Por estas razóns, a CGT de Pontevedra fai un chamamento ó conxunto da clase traballadora e a toda sociedade pontevedresa para que acuda os actos deste 1º de Maio e manifeste o seu compromiso coa loita colectiva por una sociedade libre de explotación e de sumisións ós poderosos, económicos e políticos, que nos agravian e humillan. POLA DIGNIDADE, POLA AUTO-ORGANIZACIÓN DA CLASE TRABALLADORA PARA REMATAR COA INXUSTIZA E A EXPLOTACIÓN ¡ACUDIDE a manifestación do 1º de maio, convocada por CGT en Pontevedra! Saída: 12:45h, da Praza da Peregrina Comité Local - CGT Pontevedra |
|
Post date: 2017-04-20 18:24:49 Post date GMT: 2017-04-20 17:24:49 Post modified date: 2017-04-20 18:26:50 Post modified date GMT: 2017-04-20 17:26:50 |
|
Export date: Wed Jul 17 3:20:53 2024 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |
