Mañá, sábado, día 15, ás 19:00 horas, desde o Campo de Marte da Coruña terá saída unha manifestación contra os tratados TTIP/CETA/TISA, tratados de libre comercio que se están intentando impoñer entre EEUU e a UE.
A manifestación está convocada polas Marchas da Dignidade, das que forma parte a CGT e forma parte das mobilizacións en contra duns tratados que intentan entregar as nosas vidas ás multinacionais.
Comité Local da CGT da Coruña
A CGT da Coruña convoca a súa afiliación e simpatizantes a unha nova concentración diante da sede do Banco Santander na Coruña, no Cantón Pequeno, número 15-17, o próximo mércores, día 5 de outubro, ás 13:00 horas.
A causa desta mobilizacióh é a inxusta decisión da empresa de trasladar a Carlos, un compañeiro que vive na Coruña e traballa en Ferrol a pesar de estar con xornada reducida por ter unha filla á que atender, a Viveiro, facendo imposible dunha forma definitiva a súa conciliación.
Ante este abuso da empresa, non podemos estar quedos.
O SANTANDER CASTIGA A QUEN CONCILIA!
CONTRA OS ABUSOS DA EMPRESA, SOLIDARIEDADE!
Comité Local da CGT da Coruña
A CGT da Coruña participará na manifestación "En defensa do público" que terá lugar en Madrid o día 18 deste mes de xuño. A CGT participará para reivindicar a recuperación, para todos, dos bens incautados polo Estado e polas diferentes formas que este adopta, dos bens comúns para que sexan xestionados por todos, é dicir, polos traballadores e usuarios afectados, a través de mecanismos de democracia directa.
A CGT da Coruña non está defendendo a estatalización da vida, senón unha vida na que se administren as cousas por todos en troques do goberno das persoas, que o único que fai é xustificar un sistema económico e social inxusto como é o actual.
Por iso, a CGT da Coruña acudirá a Madrid para manifestarse con milleiros de compañeiros e compañeiras do sindicato e centos de organizacións sociais que xa anunciaron o seu apoio á convocatoria para berrar a favor da defensa dos servizos públicos e pola recuperación do que é de todos.
Comité Local da Coruña
A CGT chama a participar activamente o vindeiro domingo 19 de xuño nunha nova edición da Marea Branca en defensa dunha sanidade pública, universal, gratuita no momento da prestación e de calidade , convocada pola Coordinadora Antiprivatización da Sanidade Pública.
As mobilizacións terán lugar simultaneamente nas cidades da Coruña, Pontevedra e Lugo, ás 13:00 horas, nos seguintes puntos: Na Coruña, no Obelisco; en Pontevedra, na Praza da Peregrina, e na Praza Maior, na cidade de Lugo.
Un ano máis a CGT de Pontevedra renova o seu compromiso na defensa do medio ambiente, do traballo e a saúde e pola recuperación da Ría para o benestar dos veciños e veciñas de toda a comarca, participando na Marcha anual 2016 polo Peche do complexo ENCE-Elnosa na marisma de Lourizán. A manifestación sairá este sábado, 4 de xuño, ás 19,30h das Alamedas de Pontevedra e Marín, para confluir ámbalas dúas columnas diante das portas de Celulosa, na beiramar.
No curso da manifestación a CGT de Pontevedra repartirá o seguinte texto: Read More
A CGT
de Galicia convoca a toda a súa afiliación, simpatizantes e pobo en xeral a que participe na manifestación que as Marchas da Dignidade que terá lugar o sábado, día 28 de maio, en Lugo.
A manifestación, que comezará ás 12:00 horas na Praza da Constitución, é un novo berro contra o capitalismo e os lacaios do capital, os gobernos, que están impoñendo este sistema de inxustiza e explotación á maioría da sociedade.
Este sábado levantaremos unha Muralla de Dignidade contra todos aqueles que oprimen e asoballan ao pobo.
PAN, TRABALLO, TEITO E DIGNIDADE
Secretariado Permanente da CGT de Galicia
Unhas oitocentas persoas percorreron as rúas da Coruña na manifestación do Primeiro de Maio convocada, entre outras organizacións, pola CGT e pola CUT.
A manifestación estivo moi animada durante o percorrido e déronse berros contra a Europa do Capital e contra o capitalismo, entre outras consignas máis coñecidas, que foron reiteradas a coro masivamente.
Este ano o percorrido non rematou onde era habitual, senón no Campo da Leña (oficialmente, praza de Eapaña), na que se leu o manifesto conxunto. Unha vez lido o manifesto, no mesmo Campo da Leña, a CGT organizou un concerto no que participou o grupo «Os Tres Trebóns», que amenizou musicalmente o ambiente durante unha hora.
Como todos os anos, no local sindical celebrouse un xantar de confraternización.
Comité Local da CGT da Coruña
Continúa a loita en defensa da sanidade pública cunha nova Marea Branca, xa a 11ª, o vindeiro domingo 17 de abril, ás 12:30. Fronte as metiras dos gobernantes (o ministro Montoro culpabilizando aos doentes), fronte as listas de agarda, a escaseza de material e medios, ante a empleo de prótesis e materiais de inferior calidade aos empregados ata o de agora, co fin de aforrar custos, e que está a provocar dor e sufrimento as e os doentes, chega unha nova Marea Branca, reclamando a derrogación das leis 15/1997 de novas formas de xestión da sanidade, a 16/2012 de medidas de sostenibilidade do sistema, o artigo 135 da Constitución que pon a débeda por diante das necesidades básicas da cidadanía e o artigo 90 da lei Xeral de Sanidade que posibilita a concertación con centros privados.
AÂ CGT da Coruña chama a continuar a mobilización en defensa da sanidade pública, participando nesta nova edición da Marea Branca que terá lugar nas rúas de Lugo, Santiago, Pontevedra e A Coruña (Obelisco).
Comité Local da Coruña
O Comité Local da CGT da Coruña acordou apoiar a Concentración convocada mañá, mércores, 16 de marzo, ás 20:00 horas, no Obelisco, co obxectivo de manifestar a nosa solidariedade coas persoas que fuxen da guerra e que están sendo brutal e criminalmente tratados polas Autoridades da Unión Europea nas fronteiras orientais y no Mediterráneo, o que provoca ducias de mortes diarias e un sofrimento atroz a centos de milleiros de personas. En particular, denunciamos a reunión que estes días, 17 e 18 de marzo, terán en Bruxelas os Xefes de Estado e de Goberno da Unión Europea para ratificar o indecente pacto que suscribiron co goberno de Turquía o pasado 14 de marzo.
Con ocasión deste desastre, maniféstase a auténtica face dos Estados e dos Gobernos: os Estados, amosando a súa natureza criminal intrínseca e os Gobernos facendo de lacaios inmisericordes do capitalismo trunfante. Nunca estivo máis crara a necesidade de acabar cunhas fronteiras que só serven para manternos artificialmente enfrontados uns aos outros co espellismo nacional e para cebarse cos máis necesitados de solidariedade e protección.
A CGT da Coruña fai un chamamento a toda a súa afiliación, simpatizantes, amigos e a toda a cidadanía á participación nesta concentración e a continuar a mobilización social ata conseguir parar o horrendo crime que os gobiernos europeos están levando a cabo no noso nome, pero polos seus bastardos intereses xeoestratéxicos e económicos.
ABAIXO AS FRONTEIRAS!
NON AO ACORDO UNIÓN EUROPEA-TURQUÍA!
REMATEMOS CON ESTA VERGOà‘A!
Comité Local da CGT da Coruña
O vindeiro domingo 13 de Marzo ás 12:30, terá lugar unha nova Marea Branca en defensa dunha sanidade pública e de calidade, rexeitando as listas de espera, o peche de camas e plantas enteiras dos hospitais, reclamando o acceso ás vacinas e medicacións para todos os doentes. Súmase tamén a denuncia da precariedade na atención xeriátrica.
Unha vez mais, a CGT da Coruña chama a continuar a mobilización en defensa da sanidade pública, participando nesta nova edición da Marea Branca que terá lugar nas rúas de Santiago, Pontevedra e A Coruña (Obelisco).