Chamamento de CGT-Pontevedra e as seccións sindicais de CGT-Unipost a participar na concentración en solidariedade coa compañeira Ana, traballadora de UNIPOST en Santiago, despedida o mesmo día que comunicou a empresa que estaba embarazada. A movilización terá lugar en Pontevedra este venres, 21 de xullo.
Solidariedade con Ana
¡En defensa de todas as persoas inxustamente agraviadas!
¡Para que a violencia empresarial e institucional non quede impune!
Concentración, 21 xullo, 20:30h, Praza da Peregrina
           Ana M.P.G., traballadora da empresa UNIPOST e membro da sección sindical de CGT no centro de traballo de Santiago de Compostela, decidiu comunicar á empresa que estaba embarazada. Ao finalizar a súa xornada laboral, o seu xefe comunícalle a rescisión do contrato e o despido.
Non conforme Unipost con manter aos seus traballadores nun estado de precariedade e emerxencia social permanente, non pagar en mes e tempo os salarios que lles adeuda e bloquear sistemáticamente a negociación do convenio, UNIPOST atenta agora contra os dereitos fundamentais dos traballadores discriminando a unha compañeira polo simple feito de estar embarazada.
Para a CGT, este feito é intolerable, que non estamos dispostos a consentir. En tanto Ana non se reintegre ao seu posto de traballo, non pararemos as movilizacións contra a violencia impune que está levando a cabo esta patronal contra a clase traballadora, contra Ana, contra todos e todas nos.
En solidariedade con Ana, en defensa de tódalas persoas inxustamente agraviadas pola conducta empresarial, en defensa tamén propia, participa na concentración.
Comité Local CGT-Pontevedra
Convocatoria Asemblea da Federación Local da CGT de Vigo.
Dita Asemblea terá lugar o vindeiro mércores día 26 do presente mes, e comezará ás 19:00h (7h da tarde), a fin de debater entre outras, as seguintes cuestións:
ODEN DO DIA
1.- Informe dos Sindicatos. (Limpeza e Oficios Varios).
2.- Información da reunión celebrada o martes 18 entre os colectivos sociais, sindicais e políticos, convocada pola Plataforma PAH Vigo-TUI Baixomiño e a Acampada Dignidade diante do Concello contra a pobreza, cun punto único de orde do día : Desafiuzamentos, achegas, modificacións ao plan de Vivenda Baleira da Xunta. Propostas sobre as posibles solucións aos continuos Desafiuzamentos en Vigo e comarca que superan con fartura o resto de Galicia.
3.- Proposta de nomeamento de novo Secretario de Acción Social.
4.- Varios
Compostela, manifestación en solidariedade cos traballadores de FerroAtlántica.
Nesta gran mobilización sindical galega berramos xuntos:
Non á segregación das hidroléctricas!
Non á agresión aos dereitos e futuro dos traballadores!
Os traballadores de Ferroatlántica e a comarca enteira da Costa da Morte están a sufrir unha grave agresión nos seus intereses e dereitos como consecuencia do intento da empresa de proceder á segregación das presas hidroeléctricas da propia empresa metalúrxica en Cee-Dumbría e, acto seguido, desfacerse dos complexos hidroeléctricos, instalados nos ríos Xallas (Dumbría) e Grande do Porto (Vimianzo).
A historia desta empresa iníciase precisamente co aproveitamento eléctrico do río Xallas e, por tanto, este representa a razón de ser e xustificación, política e legal, da aceptación polos veciños das expropiacións necesarias no seu momento para os Saltos, como a asunción do deterioro agropecuario e ambiental, non só dos terreos alagados, senón tamén dos lindeiros. A comunidade veciñal de Cee-Dumbría e o conxunto da clase traballadora que se incorporou ás fábricas e empresas auxiliares coñecen moi ben que a presenza das fábricas na Costa da Morte está ligada de modo necesario e indisoluble aos saltos hidroeléctricos, que durante os últimos case 100 anos veñen fornecéndolle da electricidade necesaria. Baseándose nese mesmo convencemento, Ferroatlántica dispón dunha concesión por 99 anos para a explotación hidroeléctrica de ambos os ríos.
Agora mesmo, Ferroatlántica, que en 2015 anunciou a súa fusión coa multinacional estadounidense Globe Speciality Metals (GSM), está en mans do empresario Juan Miguel Villar Mir, cuxo nome figura como protagonista esencial en todos aqueles casos de corrupción política e empresarial que desde uns anos para acó converteron o país nun lameiro fedorento.
Por estas razóns diversos grupos, colectivos e entidades da comarca, así como o Comité de Empresa de Ferroatlántica Cee-Dumbría e numerosos Comités das empresas auxiliares, expoñen a necesidade de celebrar en Santiago, o 8 de xullo, unha gran manifestación que evite o intento da Empresa de segregar e desvincular as presas hidroeléctricas da propia empresa metalúrxica, sen outra garantía para os postos de traballo e a propia supervivencia da fábrica na Costa da Morte que fume, promesas e a fraude habitual: anunciar como un feito e acto de vontade o que se decidiu de antemán non cumprir.
A CGT de Vigo e Pontevedra organizan autobuses en solidariedade cos traballadores de FerroAtlántica e da comarca CEE-Dumbría, para acudir á manifestación do 8 de xullo, en Santiago, para evitar os Plans da empresa de Villar Mir, que supoñen unha agresón e unha ameaza certa sobre a clase traballadora de toda a rexión. O bus sairá ás 9,30h da Praza de España en Vigo e as 10,30h do Pabellón Municipal de Deportes en Pontevedra.
Os traballadores de Ferroatlántica e a comarca enteira da Costa da Morte están a sufrir unha grave agresión nos seus intereses e dereitos como consecuencia do intento da empresa de proceder á segregación das presas hidroeléctricas da propia empresa metalúrxica en Cee-Dumbría e, acto seguido, desfacerse dos complexos hidroeléctricos, instalados nos ríos Xallas (Dumbría) e Grande do Porto (Vimianzo).
A historia desta empresa iníciase precisamente co aproveitamento eléctrico do río Xallas e, por tanto, este representa a razón de ser e xustificación, política e legal, da aceptación polos veciños das expropiacións necesarias no seu momento para os Saltos, como a asunción do deterioro agropecuario e ambiental, non só dos terreos alagados, senón tamén dos lindeiros. A comunidade veciñal de Cee-Dumbría e o conxunto da clase traballadora que se incorporou ás fábricas e empresas auxiliares coñecen moi ben que a presenza das fábricas na Costa da Morte está ligada de modo necesario e indisoluble aos saltos hidroeléctricos, que durante os últimos case 100 anos veñen fornecéndolle da electricidade necesaria. Baseándose nese mesmo convencemento, Ferroatlántica dispón dunha concesión por 99 anos para a explotación hidroeléctrica de ambos os ríos.
Agora mesmo, Ferroatlántica, que en 2015 anunciou a súa fusión coa multinacional estadounidense Globe Speciality Metals (GSM), está en mans do empresario Juan Miguel Villar Mir, cuxo nome figura como protagonista esencial en todos aqueles casos de corrupción política e empresarial que desde uns anos para acó converteron o país nun lameiro fedorento.
Por estas razóns diversos grupos, colectivos e entidades da comarca, así como o Comité de Empresa de Ferroatlántica Cee-Dumbría e numerosos Comités das empresas auxiliares, expoñen a necesidade de celebrar en Santiago, o 8 de xullo, unha gran manifestación que evite o intento da Empresa de segregar e desvincular as presas hidroeléctricas da propia empresa metalúrxica, sen outra garantía para os postos de traballo e a propia supervivencia da fábrica na Costa da Morte que fume, promesas e a fraude habitual: anunciar como un feito e acto de vontade o que se decidiu de antemán non cumprir.
Ante esta xusta convocatoria, a CGT considera que esta organización anarcosindicalista está obrigada a facer o maior esforzo posible para facerse presente na manifestación en Santiago o 8 de xullo, para o que pide que o devandito esforzo sexa compartido polo conxunto da sociedade galega, cada un na medida das súas posibilidades
NON Á SEGREGACIÓN DAS HIDROELÉCTRICAS!
CONTRA A ESPECULACIÓN E AS MENTIRAS!
SOLIDARIEDADE COS COMPAà‘EIROS E COMPAà‘EIRAS DE FERROATLÁNTICA!
CGT Pontevedra – Comité Local (Pontevedra, 27.06.2015)
Relación das vindeiras accións sindicais:
Día 23 xuño: Concentración convocada polo comité de empresa de CLECE – Limpeza de CGT – CIG, diante da factoría Citroà«n, desde as 12:30h ata as 14:30h.
Día 28 xuño: Asemblea do Sindicato de Oficios Varios ás 17:30h da tarde.
Día 30 xuño: Concentración sindical de protesta da CGT ante Hiperxel do Calvario nº233 ás 11:00h.
Día 7 de xullo: Concentración sindical de protesta da CGT ante Hiperxel en C/Gregorio Espino nº 20 Â ás 11:00h.
Día 8 de xullo: Manifestación en Santiago de Compostela, en apoio da sección sindical da CGT en Ferroatlántica, cos concellos da comarca de CEE – Umbria, contra segregación da fábrica de Carburos e a hidroeléctrica de Ézaro. Fretaranse autobuses
Á patrona non lle gustou que contaramos a verdade sobre como trata as súas traballadoras, as cales preparan habitacións no hotel Bahía nunhas condicións draconianas con despidementos e sancións arbitrarias como o realizado á compañeira embarazada.
Hoxe, grazas a mobilización acadamos unha reunión coa dirección do hotel para solucionar as condicións laborais das traballadoras. Pedimos a readmisión , a aplicación do convenio de hostelería e a regulación horaria.
Dende o sector ferroviario da CGT en Galicia acabamos de presentar unha proposta para mellorar o servizo ferroviario rexional en Galicia centrado na mellora do servizo de proximidade entre os distintos núcleos urbanos en lugar de destinar o groso dos investimentos á construción do Ave e, concretamente, á variante de Cerdedo que consideramos un malgasto. Como alternativa a esta variante, suxerimos  a continuación do túnel da estación de Urzaiz que inclúa a variante de Porriño e ligazón directamente co eixo atlántico a Portugal e tamén coa liña do Miño.
   Rolda de prensa 13-06-2017
Esiximos que se invista no ferrocarril convencional que pode alcanzar velocidades de 200 quilómetros hora se se modifica o trazado e electrifícanse as liñas.
Na rolda de prensa de hoxe, Alberto Díaz, coordinador das plataformas do ferrocarril da CGT, sinalou que está a investirse mal e califico o servizo de alta velocidade como elitista e excluínte, posto que non permite o transporte de mercadorías. As melloras que plantexou permitirían conectar Vigo e Ourense a través da liña do Miño nuns 70 minutos. Invístindo na saida sur de Urzaiz para conectar con Ourense polo Miño acortaríanse vos tempos, logo instalando un intercambiador en Ourense e chegaría a Madrid en 4 horas, un tempo moi competitivo.
Ademais da saída sur de Urzaiz cara a Vos Valos, tamén propoñemos a mellora da infraestrutura ferroviaria da liña do Miño coa instalación dunha dobre vía ata As Neves e mellorando o trazado entre esta localidade pontevedresa e Ourense.
Suxerimos a implantación dun tren de proximidade entre Vigo, Pontevedra e a universidade que inclúa paradas nos apeadeiros de Chapela, Vos Valos e o polígono das Gándaras. E a construción dun ramal ferroviario para mercadorías entre Guixar e Bouzas. Outra reclamación é a construción da estación intermodal en Urzaiz e a revisión de horarios e frecuencias no eixo atlántico. Non esquecemos as reivindicacións laborais, criticamos os recortes en persoal que se están levando a cabo en Renfe e Adif.
Tras o paréntese que supuxo a concentración do martes pasado en Madrid con compañeiros e compañeiras de todos os centros de traballo de Atento, continúan as mobilizacións locais para protestar pola salvaxe sanción a Fredie de suspensión de 60 días de emprego e soldo.
A CGT convoca para o día 13, martes, á afiliación e simpatizantes, a unha concentración diante do centro de traballo de Atento na Coruña, ás 20:00 horas.
60 DÍAS SEN COBRAR, TERRORISMO PATRONAL
Comité Local da Coruña
Concentración diante do SMAC de Vigo en protesta polo despido dun traballador do grupo CLECE.