Xylon reduciu en pouco tempo drásticamente a súa plantilla de case 60 a apenas 20 e sigue despedindo, para iso contratou a un liquidador. Sobran as e os traballadores o importante e facer diñeiro rápido vendendo o produto. Este é o seu sistema, o seu capitalismo, onde sobran as persoas e só caben as mercancias.
O vindeiro sábado, 8 de setembro, vai ter lugar a I Marcha pola dignidade dos medios públicos. Marcha convocada de xeito conxunto polo Comité Intercentros da CRTVG e polo Comité de Empresa da CRTVE en Gz.
Dende esta Sección Sindical, como non podía ser doutro xeito, animámosvos a que participedes nesta mobilización.
Unha vez mais temos que insistir na necesidade de que, nunha sociedade que se considere democrática, deben existir uns medios de comunicación públicos que sexan plurais, independentes e fiables.
Se tamén temos en conta o contexto actual, onde nos chega información por multitude de canais, en moitos casos sen contrastar, ou deliberadamente falsas (fake news) é indispensable contar cuns medios públicos de comunicación fortes e independentes, que sexan un referente informativo.
Xa levamos demasiado tempo denunciando as inxerencias dos Gobernantes tanto na CRTVG como na CRTVE: manipulando os contidos, tanto presionando as persoas traballadoras como metendo a tixeira directamente, quitándonos o noso traballo para darllo a Empresas Externas, reducindo a plantilla, non contratando para cubrir baixas/vacacións,… en definitiva, facendo todo o preciso para reducir o Público (de todos/as) en beneficio do Privado (dos seus), da igual o seu custo económico e social, "que amigos son de xestionar o Público, os que queren privatizalo todo (El Roto)".
Por todo isto, dende a CGT en RTVE Gz apostamos pola unidade de acción, non so dos Sindicatos, non só das persoas traballadoras da CRTVG e da CRTVE, senón da sociedade en xeral.
Únete e loita, vémonos o sábado 8.
Sección Sindical de CGT en RTVEÂ en Galicia
Dentro da campaña continua de mobilizacións das traballadoras e traballadores da empresa Atento da Coruña, que se veñen sucedendo desde finais do mes de maio, a totalidade do Comité de Empresa, do que forma parte a CGT, convoca unha manifestación o próximo luns, día 10 de setembro, ás 18:00 horas, e que sairá das portas do centro de traballo na rúa Juan Flórez. A saída da manifestación coincidirá co inicio do paro de dúas horas convocado para a tarde. Tamén está convocado outro paro pola mañá e outro pola noite, todos de dúas horas, un por quenda.
Os motivos da manifestación son os que se veñen facendo públicos nos últimos tempos: contra a política antilaboral da empresa que se traduce en despedimentos con causa falsa ou por absentismo xustificado (o último despido, hai dez días, foi a un compañeiro por estar enfermo de máis), acosos permanentes, sancións inxustas, presións, cargas de traballo excesivas, imposicións das quendas de vacacións e total desprezo pola dignidade dos traballadores e traballadoras.
Atento cumpre agora 20 anos de existencia na Coruña. Durante estes 20 anos caracterizouse polos soldos miserentos, por espremer ata a última gota á plantilla, por despedimentos masivos ou individuais permanentes que reduciron o persoal á metade nos últimos anos, e pola utilización de todas as argucias legais para machucar calquera intento de oposición en defensa dos intereses obreiros.
Pero Atento non conseguiu facer calar as voces que se alzan contra a explotación e, nestes 20 anos, atopouse con quen loitou contra o seu voraz instinto depredador. Hoxe, a loita continúa a pesar de todos os seus intentos.
Sección Sindical de CGT Atento – A Coruña
Continúan as mobilizacións convocadas polo comité de empresa, do que forma parte a CGT, no centro de traballo de Atento na Coruña. O vindeiro luns, 3 de setembro, haberá concentracións ás 12 e ás 18 horas ás portas do centro de traballo en Juan Flórez. Desta vez, as mobilizacións servirán para quentar motores cara unha próxima manifestación que terá lugar o 10 de setembro ás 18 horas, e que sairá desde a sede da empresa percorrendo as principais rúas da cidade co lema "Atento: 20 anos en loita contra a explotación laboral"
En efecto, este mes de setembro cúmprense 20 anos da apertura do centro de atención de chamadas na cidade. Vinte anos de precariedade e constantes conflictos laborais. A última das agresións perpetrouse hai só unha semana, cun novo e infame despido dun compañeiro que traballaba no servizo 1002 de avarías de Telefónica/Movistar, empresa cliente para a que traballamos case que de forma exclusiva, ás veces responsable directa das tropelías sofridas e outras cómplice necesaria ao longo destes anos.
O luns día 3 faremos unha escenificación -colorida e ruidosa– dos 20 anos que levamos en loita, resistindo os envites como mellor podemos e sabemos facer: saíndo á rúa a denunciar os abusos e a tiranía de Atento e Movistar.
A empresa segue sen dar visos de querer atender as nosas xustas e razoables reivindicacións e mentras isto siga así continuaremos nas rúas loitando por un traballo digno e saudable.
Sección sindical Atento de CGT na Coruña
Continúan as mobilizacións no centro de traballo de Atento na Coruña. As preto de 600 traballadoras e traballadores da empresa de contact center (centros de atención de chamadas) están chamadas a unha nova xornada de folga hoxe, 20 de agosto,, convocada por todas as forzas sindicais con presenza no comité de empresa, do que forma parte a CGT.
As mobilizacións comezaron o pasado 28 de maio, manténdose ata o de agora -e indefinidamente- paros dunha hora por quenda de traballo todos os luns, agás o pasado luns 16 de xullo cando, como desta vez, o paro foi de 24 horas e tivo un seguemento de máis dun 90 por cento.
As e os traballadores de Atento vimos reivindicando dende entón o cese de despedimentos inxustificados (que a empresa non ten reparos en recoñecer como improcedentes) e doutros amparados no absentismo que, se ben son considerados obxectivos, non deixan de ser aberrantes por ser froito dun absentismo do que a propia empresa é responsable en grande medida: denunciamos as presións diarias que sofremos, os insoportábeis ritmos de traballo impostos, os exasperantes controis das nosas xornadas laborais, as constantes ameazas e os acosos que padecemos con tal de sacar adiante as chamadas dos clientes que atendemos; sen importar a calidade na atención e moito menos as nosas -cada vez máis- penosas condicións laborais. A iso hai que engadir as persistentes agresións de Atento no tocante a sancións noxentas e sen fundamento, o ter que aturar a imposición das vacacións e de obxectivos inalcanzábeis e nunca negociados (que logo a empresa usa para pretender xustificar novos despidos) e un sinfín de afrontas máis que non estamos dispostas a consentir.
É lamentable que o cliente principal para o que traballamos (Telefónica-Movistar) sexa consciente e cómplice desta situación. Son xa 20 os anos de explotación laboral que levamos aguantando, dende que abriron as portas do centro da rúa Juan Flórez.
Como queira que a empresa non dá mostras de tentar resolver o conflicto, todo apunta a que esta xornada non será a última de mobilizacións e loita. Polo momento seguerán as convocatorias de paros dunha hora por quenda os vindeiros luns.
Sección Sindical de CGT en Atento-A Coruña
A CGT Correos de Galicia denuncia o caos creado pola posta en marcha das novas bolsas de contratación en Correos.
Correos abriu as bolsas no mes de Outubro pero non as puxo en marcha até o 1 de xuño, o que fixo que coincidira a entrada de numeroso persoal sen formación e sen experiencia previa coas vacacións do persoal habitual, o que, unido à falta de contratación por mor dos recortes, fai que as incidencias sexan numerosas.
Desde a CGT queremos denunciar as numerosas incidencias creadas no reparto postal durante este periodo estival.
Estamos a recibir numerosas queixas desde unidades de todo o territorio Galego desde o persoal que non son quen de repartir diariamente a correspondencia recibida, o que afecta negativamente ao dereito da cidadanía de recibir o correo diariamente.
O persoal, por medio dos/as seus/súas representantes sindicais fai responsable disto á falta de previsión da dirección.
A CGT indica que as problemáticas veñen dadas por dous motivos:
Por unha banda no mes de outubro de 2017 Correos convocou un proceso para crear unhas bolsas de contratación eventual. Ese proceso, moi criticado pola CGT polo seu retraso e polas súas irregularidades, deixou fora a centos de persoas que contaban cunha grande experiencia no traballo postal, valorando os méritos das devanditas bolsas dunha maneira totalmente cuestionable como, por exemplo, igualando a puntuaciuó dun cursos de "excel" de unhas horas a varios anos de experiencia no reparto.
Este feito fixo que numerosas persoas con experiencia quedaran sen a posibilidade de acceso ao traballo postal.
Por outra banda encontrámonos coa falta de contratación de Correos, que pretende levar a cabo o servizo -nos meses estivais- cun número de persoal a todas luces insuficiente que ronda o 40% menos do plantel oficial habitual. Correos indica, ademais, ao persoal de reparto que leven a maoriores outras zonas non habituais, o que chamamos "recargo", feito que dificulta e entorpece o traballo e fai que sexa frecuente que queden zonas sen repartir.
A CGT quere denunciar publicamente que estes feitos levan inexorablemente a unha diminución intolerable da calidade no servizo postal, e esixen a Correos:
Todo o anterior baseado na querencia do noso sindicato CGT de velar polo estricto cumprimento do dereito a ter un servizo postal público de calidade.
CGT de Correos Galicia
A CGT da Coruña celebrou hoxe unha nova concentración diante do Hotel Blue, na rúa Juana de Vega da Coruña. A mobilización faixe en solidariedade coas 23 compañeiras despedidas xa hai dous meses nese hotel ao cambiar de contrata de mantemento das habitacións. A CGT esixe o respecto para os dereitos adquiridos polas 23 camareiras de habitación e a subrogación de todas elas á nova contrata, que foi concedida á empresa Nortempo.
Para este sindicato, este feito tan canalla faixe coa complicidade do Hotel Bahía, de Nortempo e de toda a cadea hoteleira Sercotel, que mira para outro lado mentres nun dos seus establecementos se comente semellante falcatruada. Para máis, o director do Hotel Bahía é César Sánchez, xefe da patronal hosteleira da provincia de Pontevedra.
A CGT non vai parar ata que estean todas as compañeiras traballando con todos seus dereitos.
READMISIÓN DESPEDIDAS!!
SE TOCAN A UNHA, TOCAN A TODAS!!
SUBROGACIÓN DOS DEREITOS DAS TRABALLADORAS!!
Comité Local da CGT da Coruña
 
De novo concentrámonos diante do Hotel Bahía de Vigo para esixir a readmisión das 23 traballadoras despedidas arbitrariamente. Que nin por un momento pense a patronal hoteleira que vannos facer mella coas súas ameazas e insultos. para esixir a readmisión das 23 traballadoras despedidas arbitrariamente. Que nin por un momento pense a patronal hoteleira que vannos facer mella coas súas ameazas e insultos.
Teniendo en cuenta lo siguiente:
1- Lo reflejado en el artículo 7 del convenio colectivo, subida del 2,2 %, de la cual el 1,2 % está pendiente, y el 1 % es de aplicación desde enero de 2017, y el 1,2 % desde enero de 2018.
2- Pasado un tiempo mas que razonable, sin que la empresa lo aplicara.
3- Desconocemos la situación de la negociación del actual convenio colectivo para el año 2017 y
2018, ni si existe un calendario de negociación, ni cualquier otro aspecto.
Por ello:
Desde la sección sindical decidimos optar por la vía de reclamación que estimamos procede, que es la individual por cantidades hasta junio de 2018.
También reivindicamos que se nos aplique la subida del 1,2 %, que nos pertenece, y es de aplicación, según convenio, en la nomina de julio de 2018, para no volver al mismo procedimiento de reclamación.
Os adjuntamos el modelo de carta de reclamación que utilizamos, para quien quiera realizarla. Modelo reclamación emafesa
Podemos enviar el fichero-plantilla a quien la necesite, en formato electrónico. Podeís solicitarla en el correo emafesa@www.cgtgalicia.org, de palabra a cualquiera de nosotros, facilitándonos un correo para que os la enviemos, o de cualquier otra forma.
Sección Sindical CGT Emafesa
