Compañeiras e compañeiros: os sindicatos presentes no Comité de Empresa de Zara Logística o maior almacén de distribución do grupo INDITEX, entre os que está a CGT, decidiron convocar unha concentración diante da Mutua "La Fraternidad-Muprespa", na Avenida do Exército, número 12, da Coruña. A concentración será o venres, día 26, desde as 10 da mañá.

A protesta ven motivada polos continuos abusos e malos tratos que están a sufrir os traballadores por parte da mutua cando están enfermos: diagnósticos de que o traballador está san sen realizar ningunha proba, obrigalo a traballar enfermo, doenzas músculo-esqueléticas producidas por esforzos diagnosticadas como artroses e sen dar atención médica, citas para amedrentar estando incluso hospitalizado, faltas de respecto por manifestar que se ten dor, inventar mentiras para non pagar os desprazamentos, forzar aos traballadores a pedir baixas no médico da seguridade Social cando teñen doenzas producidas polo traballo coa escusa de que son doenzas crónicas, utilización dos partes de repouso apra evitar IT, etc.

A CGT fan un chamamento a toda a afiliación e simpatizantes para que se apoie a concentración para protestar contra La Fraternidad, por unha situación que sobrepasa todos os niveis de indignidade e abuso.

AMOSA O APOIO AOS QUE LOITAN!
TOD@S CONTRA "LA FRATERNIDAD"

Comité Local da CGT da Coruña

Posponse sen data a concentración na Mutua «La Fraternidad», debido á convocatoria, por parte dela, dunha reunión a semana que ven, na que se vai dar resposta aos puntos importantes das reivindicacións dos traballadores.

Ante o maltrato que están a sofrir, por parte da mutua "La Fraternidad-Muprespa" os traballadores de Zara Logística, os sindicatos presentes no Comité de Empresa, entre os que está a CGT, decidiron convocar unha concentración o próximo mércores, día 25, ás 10:00 horas, ás portas da sede da Mutua, situada na Avenida do Exército, 12, da Coruña.

A CGT fai un chamamento aos seus afiliados e simpatizantes para que se sumen a esta concentración e se poida parar así, a práctica antiobreira de "La Fraternidad".

Comité Local da Coruña

A CGT en Correos na Coruña chama á participación activa na Concentración convocada pola Xunta de Persoal e mailo Comité de Empresa en defensa do dereito á saúde de to@s; contra as denegacións de licencias por enfermidade en baixas avaladas polos nosos médicos; por un control de absentismo con profesionalidade e respeto aos enfermos, … Uns servizos médicos para dar altas aos enfermos, non!!!!: Servizos médicos de prevención.

A concentración terá lugar o venres, 10 de decembro, ás 9:30 horas, diante do Edificio de Correos na Coruña

ASISTE E PARTICIPA !!!

Os compañeiros e compañeiras da CGT de Correos na Coruña (xunto con outras organizacións sindicais) seguen as mobilizacións en solidariedade con dúas compañeiras que están sendo obrigadas a se reincorporar aos seus postos tras sendas baixas de longa duración sen terse recuperado das súas doenzas.

O pasado 25 de xaneiro tivo lugar unha concentración diante da entrada do edificio principal de Correos na Coruña, e xa está convocada outra concentración para o vindeiro venres, 5 de febreiro, ás 11:30 horas, diante das oficinas da Seguridade Social na rúa de Federico Tapia da cidade da Coruña.
Read More