SUPRIMIDOS 34 TRENS DE MEDIA DISTANCIA EN GALIZA POLA FOLGA EN RENFE E ADIF O VENRES 20 DE DECEMBRO

O Venres 20 de Decembro CGT convocou folga en RENFE e ADIF en horario de 00:00 a 23:00 hs demandando un aumento do nivel de contratación nas empresas públicas ferroviarias, atendendo a falla de cadro de persoal existente que está a repercutir negativamente no servizo que RENFE e ADIF está obrigada a dar a cidadanía.

O motivo da folga, como dicíamos, é a falla de cadro de persoal, e que se visualiza nos distintos departamentos que interveñen na operativa diaria de traballo como os seguintes exemplos no ámbito de Galiza :

Os Servizos mínimos impostos polo Ministerio de Fomento cancelaron un total de 34 trens de Media Distancia en Galiza e 9 de Longa Distancia, ainda que só en determinados treitos, especialmente afectados os viaxeiros de Longa Distancia con destino Pontevedra e Vigo, xa que as composicións dos trens hoteis de Madrid dende Monforte a Vigo e o Intercity dende Ourense a Vigo non circularán por mor da folga.

CONDUCIÓN: Seguen sendo substituidos tresn por autobuses por falla de maquinistas. Onte Mercores 18, dous trens do percorrido Vigo-Valenà§a-Vigo foron susbstituidos por buses por falla de maquinistas, o que supón que 54 trens deixaran de circular no 2019 s seus viaxeir@s tiveran que facer o viaxe en bus por falla de persoal de conduciñon. No ano 2018 foron100 os trens en Galiza que foron reemplazados por buses por mor da falla de cadro de persoal.

MANTEMENTO DA INFRAESTRUTURA: ADIF presentou os Sindicatos un plan de peche de equipos de traballo que realiza o mantemento da infraestrutura, propoñendo a privatización do mantemento de vía e o aumento de contratación do persoal Técnico superior e de Estrutura directiva,  e sigue con procesos de privatización do mantemento dos novos equipos de seguridade en vía que se están a instalar nas infraestruturas viarias, como o ERTMS entre Vigo e Compostela,

INTERVENCIÓN: Ata Novembro de 2019 uns 4.100 trens de Media Distancia de Galiza circularon sen persoal de Intervención a bordo que atendera e informara as viaxeiras. Estamos a falar de trens con unha capacidade media de 180 prazas que só circularon co maquinista, perdendo a empresa una importante cantidade de cartos por non poder vender billetes dentro dos trens, ademais de non atender adecuadamente as incidencias que se produciron.

MANIOBRAS DE MATERIAL EN GUIXAR: Apartir do 1 de Xaneiro a totalidade das maniobras de material na terminal de Vigo Guixar, serán feitas pola empresa Logirail, xerando un total de 5 traballadores excedentes en ADIF que terán que ser reubicados en outras dependencias do administrador público. Esta situación está xerando un aumento dos gastos na terminal de contenedores, dado que o que antes facía un só traballador, como o repostaxe de gasoil, agora o ten que facer dous traballadores, atendendo a falla de habilitacións das empresas que se adxudicaron a privatización de este servizo.

VENDA DE BILLETES: Nas billeteiras de venda das estacións, son cada vez menos as xanelas abertas, recortando RENFE os horarios de venda anticipada en estacións como Compostela, Coruña, Vilagarcía, Pontevedra, Vigo-Guixar, etc., por non poder atender o fluxo de viaxeiros existentes, pola falla de cadro de persoal que imposibilita cubrir todas as quendas de traballo, o que produce longas colas que repercute na calidade do servizo prestado. A modo de exemplo RENFE deu orde de pechar a venda anticipada nas estacións de A Coruña e Pontevedra os fins de semá por non poder atendela por falla de traballador@s.

MANTEMENTO DE TRENS: O cadro de persoal de esta actividade de RENFE que é estratéxica pra o bo funcionamento e regularidade dos servizos ferroviarios, cada vez está mas minguado e a media de idade ronda os 52 anos, nunha actividade industrial como é a reparación de vehículos ferroviarios. Cada vez mais traballos son desviados a empresas privadas por non contar RENFE con persoal suficiente pra facer o traballo. Esta falla de mantemento estase a notar no aumento das incidencias nos equipos de climatización, avarías de locomotoras, redución de prestacións de confort e tracción, que provocan retrasos e supresión de trens.

ADMINISTRACIÓN E XESTIÓN: O persoal de oficinas ve como cada vez aumenta a Xefatura posta a dedo e mingua o persoal administrativo sen posibilidades de promoción, saturándose sobre maneira os postos de traballo.

Achegamos relación de trens de viaxeiros suprimidos por RENFE

Saude

A situación das principais empresas do Sector Ferroviario en España, RENFE e ADIF, segue sendo caótica; camiñando a pasos axigantados cara á precariedade, a externalización de todos os servizos e unha máis que deficiente prestación do servizo de transporte encomendado a estas empresas.

CGT como sindicato representativo con ampla implantación nestas dúas empresas leva anos denunciando a situación, promovendo mobilizacións e loitando para reverter a programación dexenerativa á que as distintas Direccións das empresas co guión implantado polo Ministerio de Fomento, están a levar a cabo.

Á falta de interventores e maquinistas que reiteradamente denunciamos desde esta organización en RENFE, súmase agora a desastrosa xestión do persoal en ADIF con constante falta de persoal para atender o servizo, lévanos á desaparición de postos de traballo en detrimento de a calidade e prestacións aos viaxeiros.

En Galicia, desde o pasado 19 de setembro, a Estación de Santiago de Compostela non hai traballadores de ADIF na quenda de noite. Os viaxeiros que chegan e saen desde esta estación, entre as 23 e as 7 horas, non atoparan nas súas instalacións persoal de ADIF que lles atenda ante calquera incidencia, aínda cando durante este horario realizan a súa chegada e saída trens de viaxeiros dos trens Alvia a Madrid así como de media distancia a Vigo, Coruña e Ourense. ADIF da o mesmo tratamento á estación con maior número de viaxeiros en Galicia que a calquera dos seus apeadeiros.

Esta situación tamén se produce tamén na terminal de mercadorías da Coruña recortando as actividades nesta estación na quenda de noite. Aínda que o ministerio de referencia faga constantemente declaracións da súa intención de potenciar o transporte de mercadorías por ferrocarril, a realidade é que recorta os servizos ás empresas que pretendan transportar as súas mercadorías por este medio.

CGT na súa constante acción de denuncia promove unha concentración de traballadores/as o día 4 ás 10 horas na estación de Santiago de Compostela, en protesta pola acción da empresa. Animamos ás asociacións sociais, plataformas en defensa do público e o ferrocarril, e ao resto da cidadanía a que se una a nosotr@s, pois o futuro do servizo de transporte por tren afecta de maneira directa a to@s.

Esta concentración vén enmarcada nun Plan de Acción global que desembocará nunha gran concentración fronte ao ministerio de Fomento o próximo día 17 e complementada con novas mobilizacións.

Loitamos por un ferrocarril público, social e sustentable, polo cesamento do proceso privatizador e externalizador que se está levando a cabo no sector, polo cumprimento das normativas laborais e os acordos que empresa e traballadores levaron a efecto.

  Galiza,  ao 3 de setembro de 2019.

O VENRES 30 DE AGOSTO e o DOMINGO 1 de SETEMBRO, o persoal do Grupo RENFE está convidado a participar nos paros ferroviarios que de 12:00 a 16:00 hs e de 20:00 hs a 24:00 hs están convocados contra a falla de cadro de persoal, pola paralizacións das externalizacións e a mellora do
servizo público ferroviario.
Dende que CGT remitiu o pasado 5 de Agosto unha carta o Ministerio de Fomento, solicitando a súa intervención no conflito, NIN O MINISTERIO NIN A PROPIA EMPRESA DERON SEà‘AIS DE VIDA,
bloqueando calquera negociación que propiciara chegar a un acordo e evitar as folgas, nun claro exercicio de irresponsabilidade política e empresarial.
CGT está a loitar pra se aumente a un 108% a reposición de persoal en Renfe, que permita o rexuvenecemento do persoal, medida contemplada na Lei de Orzamentos Xerais do Estado e que nin RENFE nin Fomento quere cumprir, ademais da paralización das privatizacións e a mellora da conciliación da vida familiar e laboral, incluídas na Lei 6/2018 do pasado ano e que lonxe de negociarse eliminouse de facto pola imposición pola Dirección de RENFE.
A situación do cadro de persoal está a repercutir no servizo público que RENFE ten que ofertar a cidadanía e que en Galiza se concreta, como xa denunciamos en anteriores Notas de Prensa:
CONDUCIÓN: No ano 2018 mais de 100 trens en Galiza foron substituídos por autobuses por non ter maquinistas pra conducilos, ocasionando serios trastornos as viaxeiras.
INTERVENCIÓN: Mais de 5.200 trens de Media Distancia de Galiza circularon en 2018 sen persoal de Intervención a bordo que atendera e informara as viaxeiras. Estamos a falar de trens con unha capacidade
de 180 prazas que só circularon co maquinista, perdendo a empresa una importante cantidade de cartos por non poder vender billetes dentro dos trens, ademais de non atender adecuadamente as incidencias que se produciron. No primer semestre de 2019 circularon preto de 2480 trens de MD con só o maquinista a bordo.
VENDA DE BILLETES: Nas billeteiras de venda das estacións, son cada vez menos as xanelas abertas, recortando RENFE os horarios de venda anticipada en estacións como Compostela, Coruña, Vilagarcía, Pontevedra, Vigo-Guixar, etc., por non poder atender o fluxo de viaxeiros existentes, pola falta de cadro de persoal que imposibilita cubrir todas as quendas de traballo, o que produce longas ringleiras que repercute na calidade do servizo prestado.
MANTEMENTO DE TRENS: Cada vez mais traballos de mantemento dos vehículos de RENFE son desviados a empresas privadas por non contar RENFE con persoal suficiente pra facer o traballo. Esta falta de mantemento estase a notar no aumento das incidencias nos equipos de climatización, avarías de locomotoras, redución de prestacións de confort e tracción, que provocan retrasos e supresión de trens.
No mes de Agosto os trens Galiza-Barcelona e Galiza-Euzkadi sufriron retrasos e transbordos por incidencias nas súas locomotoras, por deficiente mantemento.
ADMINISTRACIÓN E XESTIÓN: O persoal de oficinas ve como cada vez aumenta a Xefatura posta a dedo e mingua o persoal administrativo sen posibilidades de promoción, saturándose sobre maneira os postos de traballo.
É principio e deber de calquera Sindicato defender, ata onde a razón esixe, os dereitos laborais dos seus representade@s; polo que CGT vai canalizar todo o enfado e a rabia d@s traballadores/ as e enfrontalos á tozudez da Dirección e o Ministerio que prefiren marchar de vacacións que negociar unha saída o conflito.
Con estes paros, CGT busca un aumento dunhas taxas de reposición de persoal que conduzan a mellorar os servizos que prestamos á cidadanía, garantindo a prestación duns servizos de calidade e garantes dun
ferrocarril social pra a maioría de cidadáns.
Galiza a 29 de Agosto de 2019

A CGT Correos de Galicia denuncia o caos creado pola posta en marcha das novas bolsas de contratación en Correos.

Correos abriu as bolsas no mes de Outubro pero non as puxo en marcha até o 1 de xuño, o que fixo que coincidira a entrada de numeroso persoal sen formación e sen experiencia previa coas vacacións do persoal habitual, o que, unido à  falta de contratación por mor dos recortes, fai que as incidencias sexan numerosas.

Desde a CGT queremos denunciar as numerosas incidencias creadas no reparto postal durante este periodo estival.

Estamos a recibir numerosas queixas desde unidades de todo o territorio Galego desde o persoal que non son quen de repartir diariamente a correspondencia recibida, o que afecta negativamente ao dereito da cidadanía de recibir o correo diariamente.

O persoal, por medio dos/as seus/súas representantes sindicais fai responsable disto á falta de previsión da dirección.

A CGT indica que as problemáticas veñen dadas por dous motivos:

Por unha banda no mes de outubro de 2017 Correos convocou un proceso para crear unhas bolsas de contratación eventual. Ese proceso, moi criticado pola CGT polo seu retraso e polas súas irregularidades, deixou fora a centos de persoas que contaban cunha grande experiencia no traballo postal, valorando os méritos das devanditas bolsas dunha maneira totalmente cuestionable como, por exemplo, igualando a puntuaciuó dun cursos de "excel" de unhas horas a varios anos de experiencia no reparto.

Este feito fixo que numerosas persoas con experiencia quedaran sen a posibilidade de acceso ao traballo postal.

Por outra banda encontrámonos coa falta de contratación de Correos, que pretende levar a cabo o servizo -nos meses estivais- cun número de persoal a todas luces insuficiente que ronda o 40% menos do plantel oficial habitual. Correos indica, ademais, ao persoal de reparto que leven a maoriores outras zonas non habituais, o que chamamos "recargo", feito que dificulta e entorpece o traballo e fai que sexa frecuente que queden zonas sen repartir.

A CGT quere denunciar publicamente que estes feitos levan inexorablemente a unha diminución intolerable da calidade no servizo postal, e esixen a Correos:

• A substitución inmediata de todas as persoas que se encontran de vacacións
• A ampliación das bolsas de contratación, recuperando a todas as persoas con experiencia no traballo postal

Todo o anterior baseado na querencia do noso sindicato CGT de velar polo estricto cumprimento do dereito a ter un servizo postal público de calidade.

CGT de Correos Galicia