Asemblea Anual do Sindicato de Oficios Varios
Convócase a todos os afiliados á Asemblea Anual do Sindicato de Oficios Varios de Vigo, que terá lugar o vindeiro mércores día 8 de Febreiro, nos locais do sindicato ás 18:00h.
ORDE DO DÍA
1. Elección de Mesa.
2. Informe das distintas Secretarías do S. Permanente.
3. Informe das xestións realizadas para a adquisición do novo local da F. Local de Sindicatos de Vigo, situado en Navia.
4. Asuntos Varios.
Segunda Marcha Laranxa de Unipost. Imos a PontevedraVenres 3 de Febreiro, ás 19:30, celebrarase a segunda marcha laranxa en Galicia, concretamente na cidade de Pontevedra ( saída do hospital provincial na rúa Loureiro Crespo n.º2).
Aínda que a través da vía xurídica CGT estea a denunciar a falta de pagamentos e inxustizas aos que nos vemos sometidos os traballadores de Unipost, cremos imprescindible seguir facendo público o conflito continuando coas mobilizacións e concentracións e así facer un chamamento á solidariedade do pobo traballador e demostrar á dirección de Unipost que este persoal non é submiso nin pasivo.
O obxectivo é loitar a través da acción sindical e unión dos seus traballadores contra as devanditas inxustizas, polo que desde CGT chamamos á asistencia á marcha de todo o persoal de Unipost Galicia.
Non é momento de escusarse nin acomodarse, é o momento de loitar por un emprego digno tanto para nós como para o dos nosos fillos.
A unión dos traballadores pode facer posible que esta situación se reverta, polo que se pide a todos que acudades o venres día 3 de febreiro a Pontevedra a loitar polos nosos dereitos.
Saúde
CGT Unipost Galicia
O xoves 26 #FolgaDoTelemarketing.Vemonos ás 10:00h diante da sede da empresa Unísono (Gran Vía 110).
Despois ás 11:00h saímos en manifestación ata o Marco,
onde escoitaremos testimonios de traballadoras do sector.
A CGT da Coruña convoca Asemblea Xeral para o día 23 de xaneiro, luns. Os temas a debater son os que figuran na Orde do Día do Pleno de Sindicatos de Galicia, que terá lugar entre os días 28 e 29 de xaneiro na propia localidade da Coruña, e que son, entre outros, a posición da CGT na situación actual e a organización dos sectores. Asimesmo, tratarase do nomeamento de Secretario Xeral da CGT da Galicia e a designación da sede do Secretariado Permanente. Tamén na Asemblea elixiranse os compañeiros que asistirán ao Pleno en representación da CGT da Coruña.
Faise un chamamento á afiliación para que asista á Asemblea e contribúa para que os acordos sexan o mellores posibles.
Comité Local da CGT da Coruña
Convocatoria asemblea do Sindicato de Oficios Varios CGT – Vigo
Lúns 17 na sede do sindicato ás 17:00h
Orde do día: https://goo.gl/1BGSwRÂ
Ante a precariedade laboral e falta de transparencia; ante un ano cheo de recargos, de sobrecarga de traballo, de presión, de irregularidades legais en todo o referente á actividade da empresa (contratación , consolidación de emprego, concursos de traslados, acordos coas administracións referentes ás notificacións, seguridade no traballo… un longo etcétera de cousas mal feitas… a CGT de Correos na Coruña quere facer un acto simbólico a víspera do día de reis.
Este dia estaremos reivindicando os nosos dereitos laborais e denunciando a situación de precariedade e de malas prácticas nas listas de contratación.
FAREMOS ENTREGA DO AGASALLO DE NADAL Á DIRECCIÓN: CARBÓN!!
Precisamos do teu apoio!! Mobilizate con nós!
Lugar: Diante da Dirección, na rúa do Franco, número 4 de Compostela
Hora: das 17:00 ás 18:00 horas
Sección Sindical da CGT da Coruña
La CGT de Pontevedra hace un llamamiento a la clase trabajadora y al movimiento social reivindicativo de Pontevedra para que acuda y participe en la manifestación convocada en esta ciudad "En defensa del sistema público de pensiones", para este martes, 20 de diciembre, a las 20:00h, con salida desde la Plaza de la Peregrina. A continuación, el texto de la convocatoria de CGT, que está repartiéndose estos días: Read More
A CGT de Unipost-Galicia convoca unha manifestación o próximo venres, 16 de decembro, que sairá da Praza de Abastos de Compostela ás 19:00 horas, percorrerá o centro da cidade e rematará nunha concentración na Praza do Obradoiro.
O acto será unha protesta polo vencemento do pagamento da extra de Nadal, ademáis de reclamar o aboamento de todo o que se adébeda aos traballador@s e contra o fraccionamento que veñen sofrindo na recuperación das cantidades atrasadas.
UNIPOST, PAGA O QUE DEBES!
BASTA DE EXPLOTACIÓN LABORAL!
CGT de Unipost-Galicia
O luns, 28 de novembro, as traballadoras e traballadores do sector estamos chamados a unha xornada de folga de 24 horas en todo o Estado, como continuación ás mobilizacións iniciadas pola CGT hai varios meses polo bloqueo na negociación do convenio e para esixir un convenio que garanta unhas condicións laborais dignas, nun sector no que a maior parte dos contratos son a tempo parcial, os salarios son miserables e a estabilidade laboral e a conciliación familiar, inexistentes
Durante a xornada de loita as traballadoras e traballadores darán a coñecer as súas lamentables condicións laborais e as súas reivindicacións a partir das 12 en diversos puntos da cidade (Praza de Pontevedra, Obelisco, Praza de España, Catro camiños -diante do Corte Inglés-, diante da estación de autobuses e nas Conchiñas). Tras a repartición terá lugar unha comida-charla na que as traballadoras e traballadores do sector poñerán en común os seus problemas.
Sector de Telemárquetin – CGT da Coruña
A CGT da Coruña convoca unha nova concentración o próximo venres, 2 de decembro, ás 13:00 horas, diante da Dirección Territorial de Galicia do Banco Santander, sita no Cantón Grande da Coruña, na zona do Obelisco.
Carlos, que ten xornada reducida porque ten que coidar da súa filla pequena, foi trasladado forzosamente a 120 quilómetros da súa casa, nunha decisión repugnante do Banco Santander, que o único que quere es desfacerse dun traballador incómodo.
Despóis de meses de loita o xuízo foi fixado para o día 12 de decembro, luns, sen que a empresa amosara ningunha intención de recuar na súa inicua decisión.
BASTA XA DE ACOSO NO BANCO SANTANDER!
SE TOCAN A UN, TOCAN A TOD@S!
Comité Local da CGT da Coruña