Comunicado do Sector Federal Ferroviario da CGT

autor: Categoría: Compostela, Galicia, Sindical, Social

O Sector Ferroviario da CGT fixo público un comunicado ante o gravísimo accidente ferroviario acontecido en Compostela no serán de onte. O texto do comunicado é o seguinte:

Neste momento de dor é necesario priorizar a atención ás vítimas, entre as que se contan tamén cinco ferroviari@s (dous tripulantes falecidos, dous maquinistas e o interventor feridos), así como as súas persoas próximas.

A CGT decidiu desconvocar as folgas no Sector Ferroviario, as primeiras das cales ía ter lugar o próximo día 31 de xullo. Consideramos que esta desconvocatoria é un acto necesario de responsabilidade, tendo en conta que todos os ferroviarios estamos conmovidos por esta traxedia e é o momento de apoiar os afectados e de evitar tensións, de analizar o acontecido e de reflexionar sobre as razóns que permitiron que algo así puidese suceder. Read More

 

Primeiro de Maio da CGT da Coruña

autor: Categoría: A Coruña, Compostela, Convocatorias, Ferrol, Lugo, Sindical

Este Primeiro de Maio, a CGT volverá a saír a manifestarse polas rúas da Coruña, nesta ocasión co lema "CADA DESPIDO É UNHA AGRESIÓN. NINGUNHA AGRESIÓN SEN RESPOSTA".

Para a CGT a situación que está a vivir a clase traballadora é insostible. O despido libre, a existencia de máis de catro millóns de parados e a ameaza dunha nova reforma laboral e do sistema de pensións esixen que os traballadores amosemos firmemente o noso rexeitamento á situación e a que, ás nosas costas, se siga negociando e xogando cos nosos intereses.

Por isto, convocámoste a que participes na manifestación que sairá ás 12 do mediodía da Praza de Pontevedra da Coruña e que rematará na Praza do Humor.

ESTE ANO NON PODEMOS FALTAR NINGÚN

BASTA XA DE DESPIDOS SALVAXES E SINDICATOS DOMESTICADOS

Xantar de confraternidade
Como outro anos, estamos organizando un xantar de confraternidade despois da manifestación. Os que estean interesados deberán anotarse antes do día 27 deste mes de abril. Calcúlase que o prezo estará sobre 12 euros. A anotación será no propio local sindical, por teléfono ou a través do correo electrónico.

 

Continuación da Asamblea da CGT da Coruña

autor: Categoría: A Coruña, Compostela, Convocatorias, Ferrol, Lugo, Orgánica, Sindical

A Asamblea do SOV da CGT da Coruña reunida o pasado venres, 5 de febreiro, non puido rematar o debate de tódolos puntos da Orde do Día nun tempo razoable , polo que decidiu autoconvocarse para continuar o debate dos puntos que ficaron sen tratar nunha nova sesión que terá lugar o vindeiro mércores, 10 de febreiro, a partir das 19 horas.

 

Paremos o xenocidio: manifestación en Compostela

autor: Categoría: Compostela, Convocatorias, Social

Solidariedade con Palestina

Dende fai semanas o estado de Israel está levando a morte e a desolación ó pobo palestino e somete a toda a poboación mundial á humillación de ser testemuña impotente dun xenocidio, friamente executado.

A CGT de Galicia convoca á MANIFESTACIÓN en Compostela o día 18 de xaneiro de 2009 ás 12:00 hs, denunciando este xenocidio, consentido polos gobernos máis poderosos da comunidade internacional.

Con tal motivo, decidímonos a:

1.- Amosar o noso horror diante da acción de Israel e a nosa solidariedade coas víctimas.

2.- Recoñecer o lexítimo dereito e deber do pobo palestino á defensa da súa liberdade e dignidade e a combater a ocupación da súa terra, a devastación do seu país e a apropiación violenta polo estado de Israel dos seus pobos, campos e aldeas.
Read More

 

A CGT mantén a súa representación no comité de empresa provincial de Telefónica na Coruña.

autor: Categoría: A Coruña, Compostela, Ferrol, Sindical

Nas eleizóns sindicais celebradas o pasado 29 de marzo, a candidatura de CGT mantivo a representación coa que xa contaba no comité provincial de Telefónica da Coruña, cun delegado, a pesares da reducción de plantilla que se veu producindo e a pesares tamén da irrupción de candidaturas específicas de Telefónica.

Pódense consultar tódolos datos por provincias na páxina web do Sindicato Federal de Telefónica de CGT.