post

27S: Folga xeral e xornada de loita por Palestina

autor: Categoría: A Coruña, actualidad, Compostela, Convocatorias, Ferrol, Galicia, Ourense, Pontevedra, portada, Sindical, Vigo

En resposta á petición da Federación de Sindicatos palestinos, a Confederación Xeral do Traballo (CGT) e a Confederación Sindical «Solidaridad Obrera» teñen convocado, en todo o estado español, unha Folga Xeral e xornada de loita polo fin do xenocidio e o apartheid contra o pobo palestino, para o vindeiro 27 de setembro.

A CGT de Galicia fai un chamamento a toda a clase traballadora e á cidadanía a secundar a xornada de folga e mailas mobilizacións que terán lugar nese día:

  • A Coruña: Manifestación, con saída do Obelisco, ás 20 horas.
  • Compostela: Manifestación, con saída da Praza Roxa, ás 12 horas; e Concentración no Obradoiro, ás 19 horas
  • Ferrol: Concentración na praza da Vella, ás 20 horas.
  • Ourense: Manifestación, con saída desde praza das Mercedes, ás 20 horas.
  • Pontevedra: Manifestación, con saída do Hospital, ás 20 horas.
  • Redondela: Concentración, fronte BBVA-Santander na rúa Alfonso XII, ás 11 horas.
  • Vigo: Concentración no Marco, ás 19 horas.

 

 

post

Buzón Rebelde especial CTA

autor: Categoría: A Coruña, actualidad, Compostela Tagged ,

A Sección Sindical da CGT en Correos da Coruña ven de sacar un Buzón Rebelde especialmente dedicado ao CTA. O contido é o seguinte:

  • Inspección de riscos laborais no CTA
  • Despedimento de Marta, compañeira da limpeza do CTA
  • Caos na consideración de día hábil na fin de semana
  • Irregularidades no uso de material de limpeza
  • A entrega do chaquetón é obrigatoria
  • Breves

Que queira abrir ou descargar o Buzón Rebelde, pode facelo picando nas ligazóns de embaixo.

Sección Sindical da CGT en Correos da Coruña

BR-CTA-2021Descarga

 

post

Movilizaciones en Banco Santander

autor: Categoría: A Coruña, actualidad, Compostela, Convocatorias, Ferrol, Formación, Galicia, Lugo, Ourense, Pontevedra

El Banco Santander lleva inmerso en diferentes procesos de reestructuración de plantilla mediante Expedientes de Regulación de Empleo desde el 2013. En todos los EREs llevados a cabo hasta la fecha entre esa fecha y la actualidad, unidos a los del extinto Banco Popular, se han destruido más de 15.000 empleos.

Una herramienta que debería ser para casos excepcionales la está utilizando el Banco de manera sistemática para la destrucción de miles de puestos de trabajo, algo que ninguna otra empresa del sector ha hecho a pesar de atravesar las mismas situaciones de mercado.

En la actualidad nos vemos inmersos en un proceso por el que se pretenden llevar por delante, en el mejor de los casos, 4.000 puestos de trabajo, ello sin olvidarnos de la precarización de las condiciones laborales de quienes sean externalizados a empresas de servicios.

Dichas externalizaciones suponen una utilización fraudulenta de la legislación vigente, dado que llevarían a otras empresas tareas que actualmente se realizan en el Banco y que son parte fundamental del negocio bancario, pero su externalización supondría un ahorro de costes para la entidad, así como una precarización en las condiciones de lxs compañerxs externalizadxs.

A esto le sumamos unas deplorables condiciones de salida ofertadas, lo que pone de manifiesto que para el Banco Santander los beneficios están claramente por encima de las personas. Y no olvidemos que son precisamente las personas las que con su esfuerzo y dedicación diaria hacen que esos beneficios se incrementen año a año.

Por estos motivos CGT consideramos que ha llegado el momento de salir a la calle a reivindicar la defensa de todos y cada uno de los puestos de trabajo. Porque aquí no sobra nadie y todxs unidxs debemos mostrar al Banco Santander que Galicia se opone a sus políticas de destrucción de empleo. Porque la precarización del sector bancario redundará negativamente en toda la comunidad gallega.

Este sábado 12 de diciembre a las 12.00 nos vemos en el Cantón Grande de A Coruña y en el cruce de Colón de Vigo unidxs en la lucha por los puestos de trabajo del sector bancario.

 

 

post

Navantia Ferrol: o centro de excelencia naval debe estar en Ferrolterra

autor: Categoría: actualidad, Compostela, Ferrol, Sindical Tagged ,

Navantia asinou con Siemens un acordo para crear un Centro de Excelencia do Sector Naval. Este centro de excelencia será o centro de formación dos futuros profesionais que se encargarán tanto do deseño do buque (dende a súa fase conceptual inicial até a fase de detalle) como do proceso de construción, as probas e o apoio ó ciclo de vida.

Como se ve, é un proxecto ligado directamente á actividade de Navantia. Pero a pesar disto, acaba de coñecerse que estará ubicado en Santiago. Esta decisión da dirección de Navantia é unha auténtica vergoña dende calquera punto de vista.

En primeiro lugar, o recomendable é que o centro formativo estea o máis cerca posible do centro produtivo. As razóns son tan obvias, que sobra dicilas.

En segundo lugar, aquí hai un campus tecnolóxico naval da Universidade.

En terceiro lugar, na nosa comarca hai espazos infrautilizados que poden acoller o centro de excelencia, empezando por Navantia-Fene, o CIS da Cabana…

En cuarto lugar, esta comarca leva anos sufrindo unha reconversión salvaxe que destruíu milleiros de empregos no sector naval. O estaleiro 4.0 vai supoñer unha redución das necesidades de man de obra en determinadas actividades. Se os empregos que xorden das innovacións tecnolóxicas non están aquí, Ferrolterra verá aumentar a súa decadencia.

Esta decisión de Navantia é unha mostra máis de como a dirección non toma as súas decisións dende o punto de vista dos intereses da empresa pública, senón dende o punto de vista dos intereses da empresa privada porque a única razón que pode haber para ubicar o centro de excelencia naval en Compostela son os intereses de Siemens.

A CGT esixe que Navantia rectifique esta decisión totalmente inxustificada e que o centro de excelencia se ubique en Ferrolterra.

Sección Sindical Unitaria de CGT en Navantia Ferrol

 

post

[RTVE en Galicia] Contra as represalias nos medios públicos

autor: Categoría: A Coruña, actualidad, Compostela, Sindical Tagged , ,

Dende a Sección Sindical da CGT en RTVE Galiza condenamos a nova represalia aplicada na RTVG, esta vez á presentadora Marga Pazos. Cunha escusa para cubrirse as costas legalmente, os responsables de informativos limítanlle as función por ter exercido o seu dereito á folga o 8 de marzo.

Non é a primeira vez que ocorre un episodio similar, nin será a última.

Facemos fincapé en que este tipo de manobras para "castigar" a xornalistas incómodos son habituais naqueles medios de comunicación públicos que dependen xerarquicamente dos gobernos de turno. Ou sexa: tódalas canles autonómicas de España, e tamén a estatal. Nuns casos máis e noutros menos, nunhas etapas máis e noutras menos, o certo é que o servilismo cara ao poder é inherente a un modelo viciado desde o mesmo momento en que o Executivo, na práctica, nomea a dedo á dirección dos medios públicos. Urxe, polo tanto, cambiar ese modelo.

Existen fórmulas que garanten ata certo punto a independencia, como a designación por maioría cualificada do Parlamento, un concurso público (accidentado de momento en RTVE, pero que pode ser unha vía válida), ou outras que se poden e deben estudar. Transcorridos 40 anos de Democracia, non é de recibo que o "dedazo" siga sendo o mecanismo legal para configurar un organismo tan sensible como é unha Radiotelevisión pública. Mentres ese mecanismo non cambie, será difícil que neste país teñamos Medios Públicos independentes.

CGT, únete e loita. Xuntas somos mais.

Sección Sindical da CGT na RTVE en Galicia

 

post

Asemblea Xeral da CGT da Coruña

autor: Categoría: A Coruña, actualidad, Compostela, Convocatorias, Ferrol, Orgánica Tagged

Convócase Asemblea Xeral da CGT da Coruña para o mércores, día 16 de xaneiro, ás 19:00 horas. A Asemblea convócase para tomar acordos definitivos do sindicato para o Congreso Confederal que se celebrará en Mérida ao respecto da posible convocatoria dunha Folga Xeral o próximo 08 de marzo, Día Internacional da Muller Traballadora.

Tamén, na dita Asemblea, elixirase a delegación que representará a este Sindicato da CGT da Coruña ao mencionado Congreso.

Comité Local da CGT da Coruña

 

post

[Compostela] Marcha pola dignidade dos medios públicos

autor: Categoría: A Coruña, actualidad, Compostela, Convocatorias, Sindical

O vindeiro sábado, 8 de setembro, vai ter lugar a I Marcha pola dignidade dos medios públicos. Marcha convocada de xeito conxunto polo Comité Intercentros da CRTVG e polo Comité de Empresa da CRTVE en Gz.

Dende esta Sección Sindical, como non podía ser doutro xeito, animámosvos a que participedes nesta mobilización.

Unha vez mais temos que insistir na necesidade de que, nunha sociedade que se considere democrática, deben existir uns medios de comunicación públicos que sexan plurais, independentes e fiables.

Se tamén temos en conta o contexto actual, onde nos chega información por multitude de canais, en moitos casos sen contrastar, ou deliberadamente falsas (fake news) é indispensable contar cuns medios públicos de comunicación fortes e independentes, que sexan un referente informativo.

Xa levamos demasiado tempo denunciando as inxerencias dos Gobernantes tanto na CRTVG como na CRTVE: manipulando os contidos, tanto presionando as persoas traballadoras como metendo a tixeira directamente, quitándonos o noso traballo para darllo a Empresas Externas, reducindo a plantilla, non contratando para cubrir baixas/vacacións,… en definitiva, facendo todo o preciso para reducir o Público (de todos/as) en beneficio do Privado (dos seus), da igual o seu custo económico e social, "que amigos son de xestionar o Público, os que queren privatizalo todo (El Roto)".

Por todo isto, dende a CGT en RTVE Gz apostamos pola unidade de acción, non so dos Sindicatos, non só das persoas traballadoras da CRTVG e da CRTVE, senón da sociedade en xeral.

Únete e loita, vémonos o sábado 8.

Sección Sindical de CGT en RTVE  en Galicia

 

post

A CGT da Coruña apoia a Marcha do Persoal Precario das Administracións

autor: Categoría: A Coruña, actualidad, Compostela, Convocatorias, Sindical Tagged ,

A CGT da Coruña acordou prestar o seu apoio á Marcha do Persoal Precario da Administración Pública, que terá saírá o próximo venres, día 16 de marzo, ás 10:00 horas, do Parlamento de Galicia.

Para a CGT a defensa dos servizos públicos de calidade é un das súas prioridades sindicais; e para que estes servizos públicos non se vexan paulatinamente deteriorados é imprescindible un emprego público estable e de calidade. O persoal que atende agora mesmo estes servizos é, en gran parte, temporal e cunhas condicións de traballo, sen expectativas de consolidación, lamentables. Por iso, a CGT considera que as reivindicacións deste persoal son xustas.

Por iso, a CGT da Coruña convoca a que a súa afiliación, simpatizantes e pobo traballador participe nesta mobilización e se solidarice con estes colectivos maltratados pola Administración.

Comité da CGT da Coruña