A Coruña contra a desigualdade

A CGT da Coruña convoca para o martes, 30 de xuño, ás 19:00 horas, diante da Subdelegación do Goberno, unha concentración contra a desigualdade social. Para a CGT, a desigualdade é unha das iniquidades máis características do noxento sistema político-económico actual.

Para nós, son imprescindibles uns servizos públicos de calidade e universais; é necesario a redución de xornada e a desaparición de horas extras; non se poden seguir permitindo despedimentos deixando que as clases máis humildes paguen esta crise e non se pode repetir o da crise anterior na que a clase obreira rematou máis pobre e os capitalistas máis ricos.

Por todo isto estaremos nas rúas o día 30, para berrar

CONTRA AS DESIGUALDADES SOCIAIS