Xornadas Libertarias na Coruña

A CGT da Coruña acolle o XVII Congreso de sindicatos da Confederación Xeral do Traballo (CGT), que terá lugar entre o 17 e o 20 de outubro de 2013.

Con motivo do Congreso, a CGT da Coruña organiza unha nova edición das Xornadas Libertarias que en anos anteriores estiveron adicadas á pedagoxía e á memoria histórica libertarias.

Nesta ocasión as xornadas serán mais amplas, abranguendo temáticas que van dende a autoxestión, o esperanto, os movementos populares no norte de África, a defensa do ensino público,…

Agardamos que as actividades programadas sirvan como espazo de aprendizaxe, reflexión e debate.

O Programa das Xornadas é o seguinte:

•  O venres, 4 de outubro, ás 18 horas, Inauguración das Xornadas na UNED da Coruña (Rúa de Pepín Rivero, 3)
• Do 4 ao 15 de outubro, estará aberta ao público a Exposición «A lingua como liberación: o esperanto», de luns a venres, en horario de 10 a 14 e 16 a 19 horas, na UNED da Coruña.
• O venres, 11 de outubro, ás 19:30 horas, Charla Coloquio sobre o esperanto, a cargo de esperantistas galegos. No salón de actos da UNED da Coruña.
• O luns, 14 de outubro, ás 19:30 horas, Charla Coloquio «A emancipación social: delegación ou autoxestión?. Ensinanzas de século e medio de loita», con Octavio Alberola, historiador e loitador libertario contra o franquismo. Na biblioteca da A.VV. de Monte Alto (Campo de Marte)
• O martes, 15 de outubro, ás 19:30 horas, Charla Coloquio «A LOMCE: un novo ataque á educación», con Rafael Fenoy, docente da Federación de Ensino da CGT. Na Federación de ANPAS da Coruña (Rúa do Orzán, 21)
• O  mércores, 16 de outubro, ás 19:30 horas, Charla Coloquio «Movementos populares no norte de África», con Abri Kodri, docente e sindicalista tunecino. Na Federación de ANPAS da Coruña (Rúa do Orzán, 21)

Programa das Xornadas Libertarias da CGT da Coruña 2013 (PDF):  Xornadas Libertarias