Ante as intencións liberalizadoras ou privatizadoras do sector ferroviario, os Comités de Empresa de Adif, Renfe e Feve da Coruña, dos que forma parte a CGT, comenzan un proceso mobilizador en defensa do ferrocarril como servizo público e social.
O vindeiro martes, 5 de xuño, están convocadas concentracións ás 11 horas nas estacións de San Cristobal, na cidade da Coruña, e de Ferrol.
De xeito unitario se están a celebrar asambleas en toda a provincia informando aos traballadores e traballadoras da común posición contraria a calquera privatización, segregación ou resolución que afecte á integridade das empresas e ao seu persoal, incluídos o que depende das contratas ferroviarias.
A unidade de tódalas organizacións sindicais con representación no sector ferroviario na oposición frontal a calquera medida de liberalización ou privatización que poda repercutir negativamente na prestación do servizo público ferroviario e nas condicións laborais e de emprego dos traballadores do sector maniféstase na disposición á realización conxunta de todas as mobilizacións que sexan precisas ante estas agresións.