CGT Galicia
http://www.cgtgalicia.org/27-xaneiro-folga-xeral-e-manifestacion-en-pontevedra/
Export date: Mon Dec 23 17:17:17 2024 / +0000 GMT

27 Xaneiro: Folga Xeral e manifestación en Pontevedra


O día 27, día da Folga Xeral, a CGT de Pontevedra convoca unha manifestación que sairá, ás 19:30 horas, da Praza da Ferrería.
Con motivo da convocatoria da Folga Xeral e anuncio da manifestación, a CGT da Pontevedra reparte o seguinte manifesto:
"A CGT fai un chamamento á clase traballadora e á toda a sociedade pontevedresa para que participe, o próximo 27 de xaneiro, na Folga Xeral e na manifestación dese mismo día que sairá ás 19:00h da Praza da Ferrería. É un chamamento para loitar pola en defensa dos dereitos sociais, laborais e económicos dos traballadores e en protesta polas políticas antisociais do goberno. Só unha mobilización xeral, ampla e firmemente levada a cabo pola clase traballadora conseguirá acadar as reivindicacións formuladas nesta folga:
• Esixir traballo para todos
• Impoñer a derrogación da Reforma Laboral
• Deter a ameaza sobre o sistema público de pensións e xubilacións


Esixir traballo para todos
Máis de catro millóns de persoas están no paro, das que máis de un millón douscentas mil non perciben ningunha prestación, condenadas a subsistir na economía sumerxida ou na exclusión social máis absoluta; máis de medio millón sobreviven con 426 euros mensuais; máis de nove millóns de traballadores teñen rendas inferiores aos 9.000 euros ao ano; o 20 % da poboación española vive na pobreza, ata o extremo de que máis de un millón de persoas tivo que arrastrar a súa dignidade para ser alimentados nos comedores de caridade o ano pasado.
Impoñer a derrogación da Reforma Laboral
Fai catro meses, o 29 de setembro, o conxunto das organización sindicais deste país (tamén as que agora están a renunciar á loita polos dereitos da clase traballadora e celebran un paripé de negociación, tan inútil como desmobilizador) convocáramos unha folga xeral contra esta Reforma Laboral. Pese ó éxito de participación a folga do 29 S aínda non logrou paralizar a Reforma, polo que a loita debe continuar, con máis razón e forza se cabe.
Deter a ameaza sobre o sistema público de pensións e xubilacións
O goberno pretende modificar o sistema de pensións endurecendo os requisitos para conquerir unha prestación contributiva e o método de cálculo para determinar á baixa a cuantía da prestación dos novos pensionistas. Así, pretende elevar a idade ordinaria de xubilación aos 67 anos, esixir un mínimo de 20 anos de cotización para ter dereito e subir de 15 a 20 ou 25 anos o período de cálculo.
O que en realidade hai detrás destas medidas é o propósito de reducir o importe das pensións a corto prazo, fomentar os plans privados a medio e provocar a desaprición do sistema público a largo prazo; sistema público que quedará como sistema residual de asistencia social.
Por todo esto a mobilización é imprescindible
Os traballadores non podemos quedarnos de brazos cruzados e non podemos tolerar que esta situación continúe ou que aínda empeore. A CGT considera que está nas nosas mans, dos traballadores e traballadoras, cambiala. O día 27 a clase obreira galega está chamada á Folga Xeral, pero non estamos sos. O mesmo día, a CGT, con outros sindicatos, convocou Folga Xeral tamén en Cataluña e en Navarra; tamén a CGT ten convocadas manifestacións en apoio destas folgas en moitos puntos do territorio español; os traballadores de toda Europa estanse mobilizando tamén ante as medidas adoptadas polos seus gobernos respectivos.
O éxito da xornada de folga do día 27, como ocorreu coa do 29 de setembro pasado, dará pulo aos que, como a CGT, consideramos que o día seguinte temos que comezar a planificar as novas accións que permitan que todos xuntos deteñamos as políticas antiobreiras do actual goberno. Tamén o éxito desta folga será a garantía de que se evitará o entreguismo do sindicalismo que pretenda negociar dereitos laborais por subvencións."

CGT - Pontevedra
Post date: 2011-01-21 18:59:59
Post date GMT: 2011-01-21 17:59:59

Post modified date: 2011-01-21 19:15:31
Post modified date GMT: 2011-01-21 18:15:31

Export date: Mon Dec 23 17:17:17 2024 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com