Folgas ferroviarias en Renfe Galicia

29 de julio de 2019 autor: cgtgalicia Categoría: actualidad, Convocatorias, Galicia, Sindical

Unha vez que os Ministerios de Facenda e Fomento aproban taxas de reposición ridículas que non solucionan os problemas estruturais do Grupo Renfe e a empresa mantén unha actitude de intransixencia, @s traballador@s só quédanos un camiño, a mobilización.

É principio e deber de calquera Sindicato defender, ata onde a razón esixe, os dereitos laborais dos seus representade@s; polo que CGT vai canalizar todo o enfado e a rabia d@s traballadores/as e enfrontalos á tozudez da Dirección e o Ministerio convocando paros ao longo do período estival.

CGT convocou paros nas seguintes datas e horarios:

Día 31 de JULIO, de 12:00 a 16:00 horas e de 20:00 a 24:00.

Día 14 de AGOSTO, de 12:00 a 16:00 horas e de 20:00 a 24:00.

Día 30 de AGOSTO, de 12:00 a 16:00 horas e de 20:00 a 24:00.

Día 1 de SETEMBRO, de 12:00 a 16:00 horas e de 20:00 a 24:00.

Con estes paros, CGT busca un aumento dunhas taxas de reposición de plantilla que conduzan :

Mellora dos servizos que prestamos á cidadanía, atendendo a que cada día aumentan as incidencias nos servizos ferroviarios, como avarías do Aire Acondicionado en trens de Longa Distancia, retrasos por falla de vehículos ferroviarios ou falla de maquinistas, con trasnbordos a autobuses, etc.

Así mesmo aumentan os trens que circulan sen Interventor por falta de persoal. En 2018 circularon en Galiza 5.200 trens de Media Distancia sen persoal de comercial abordo, a maioría entre Coruña e Vigo e no primeiro semestre de 2019 xa circularon 2.480 mantendose a tendencia.

Cada día mais cargas de traballo se están desviando as empresas privadas, dende a venda de billetes (Guillarei, O Barco, A Rúa, Ribadavia, Sarria, O Carballiño) ata a reparación de trens na Base de Mantemento de Redondela, pasando pola venda de billetes en trens como na liña Ferrol-Ribadeo onde subcontrataron a Logirail para facer estes traballos propios de RENFE.

Serían moitos os exemplos que inciden nas extensas carencias producidas pola falta de cadro de persoal e as taxas de reposición máis que insuficientes, que non son capaces de manter e garantir a prestación duns servizos de calidade e garantes dun ferrocarril para a mayoría de cidadáns.

Derivado desta falta de persoal, chegouse á imposibilidade de cumprir o espírito do Real Decreto 6/2018 que é o aumento de emprego e a conciliación familiar polo que se tería que reducir a xornada laboral semanal a 37.5 h. porque de maneira unilateral, Renfe impuxo unha redución de xornada con 17 minutos diarios de reaxuste e dous días ao ano que máis do 80% do persoal non poderá gozar nas datas que sinalaron.

Sector Ferroviario da CGT de Galicia

Convocados 3 días de folga en Atento-A Coruña

23 de julio de 2019 autor: Federación Local Obrera A Coruña Categoría: A Coruña, actualidad, Sindical Tagged Atento, fol, mobilizacións, telemarketing

Os vindeiros días 26, 27 e 28 de xullo o persoal do centro de traballo de Atento na rúa Juan Flórez está chamado a secundar tres xornadas de folga de 24 horas. A convocatoria realízana CGT e CIG, representación maioritaria das e dos traballadores.Â Â Â Â Â Â Â Â Â Â Â Â

As principais reivindicacións da convocatoria son o cese dos despedimentos (16 desde o remate do pasado ano), das presións e do excesivo control das xornadas de traballo; que se imparta a formación profesional que precisamos, que se garanta unha organización racional do traballo para que non se vexa perxudicada a nosa saúde e que as aplicacións e programas informáticos que empregamos funcionen correctamente e de xeito continuado.

A nova solución de Atento para paliar este ambiente laboral insalubre que ela mesma provoca é a posta en marcha dunha proba piloto que consiste en que unha empresa allea pretenda reducir o absentismo laboral baixo a ameaza de retirar os complementos salariais as persoas de baixa médica.

Con Atento non hai outra maneira: non imos quedar sen actuar mentres nos seguen machucando e desfacéndose de nós miserentamente. A mobilización é a única linguaxe que a empresa entende e temos o convencemento de que mentres Atento non nos respete a loita é a mellor ferramenta para defender os postos de traballo, mellorar nas nosas condicións laborais e a nosa saúde.

Sección Sindical da CGT en Atento-A Coruña

[Ferrol] Un laudo arbitral anula o «voto delegado» inventado por CCOO en Navantia

19 de julio de 2019 autor: Federación Local Obrera A Coruña Categoría: actualidad, Ferrol, Sindical Tagged Eleccións sindicais, Naval, Navantia

CGT, CIG, MAS e UGT de Navantia fixeron público o seguinte comunicado conxunto:

O pasado 16 de xullo ven de emitirse o Laudo Arbitral que resolve a impugnación presentada ante a Autoridade Laboral (Oficiña Pública de Rexistro) polos sindicatos CIG, CGT, Mas e UGT contra a decisión da Mesa Electoral Central de habilitar, atendendo unha petición de CCOO, un procedemento de voto baixo o nome de "voto delegado".

O Laudo, na súa fundamentación xurídica afirma textualmente que:

A cuestión que se somete a arbitraxe é a de determinar a validez do procedemento de voto delegado.
O procedemento do voto delegado foise perfilando nos días seguintes á aceptación da solicitude, tal como consta nas actas nº 5, 6 e 7 da Mesa Electoral Central.
Non consta, máis ben parece que o contrario, que os traballadores que tiñan a condición de electores tiveran suficiente coñecemento deste medio de votación e dos requisitos que debería cumprir para exercer o voto delegado.
O exercicio do voto delegado non se contempla na regulación legal da materia electoral.
En todo caso a forma en que se levou a cabo o voto delegado non tivo garantías suficientes, nin publicidade, nin consenso, nin información ós traballadores.
Que o proceso de elección de representantes dos traballadores na empresa está rexido por normas de procedemento subtraídas á vontade das partes xa que non é unha institución de "dereito privado" senón de Dereito Público. É obvio por tanto, que non está no poder de disposición das partes intervintes no proceso, alterar a súa regulación legal.

Por todo elo, dicta Laudo polo que acorda: ESTIMAR a impugnación presentada, RESOLVENDO anular a resolución que establece o sistema de "voto delegado" e os actos posteriores derivados.

O laudo é claro e rotundo, recoñece como válidos todos e cada un dos argumentos expresados polos sindicatos que impugnamos e anula o procedemento do voto delegado.

Expresamos pois a nosa satisfacción, conscientes de que si non tivéramos actuado, podería terse perpetrado un fraude electoral pola alteración ilegal das normas de votación e pola falla de garantías que este sistema de votación conten, tal e como o propio Laudo recoñece.

Finalmente, foi a nosa presión a que freou esta iniciativa ilegal, foi a nosa presión a que forzou a modificar sobre a marcha este sistema de votación, foi a nosa presión a que impediu que os votos delegados contaminaran o proceso electoral.

Para os sindicatos asinantes, nada hai mais importante que a vontade dos traballadores e traballadoras expresada có seu voto, ese é o motivo de ter presentada esta impugnación que como o Laudo demostra é xusta, razoable e legal.

[A Coruña] Concentración por Santander Operaciones

17 de julio de 2019 autor: Federación Local Obrera A Coruña Categoría: A Coruña, actualidad, Sindical Tagged Banco Santander, Concentración, despidos, ERE, Santander Operaciones

El banco santander continúa con su insaciable sed de beneficios a costa de los puestos de trabajo y la salud de lxs compañerxs. En esta ocasión su objetivo es Santander Operaciones, propiedad al 100% de Banco Santander donde pretende acometer mas de 100 despidos, lo que conllevaría el desmantelamiento completo del centro de trabajo de Orillamar, originalmente compañerxs de Banco Pastor.

Esto supone un nuevo ataque a la clase obrera de la comarca. Sumados a los anteriores â‚¬Râ‚¬s esto nos deja en la posición de que el banco santander asume la carga de trabajo de una nueva entidad con la mitad de la plantilla que tenía anteriormente.

No podemos consentir esta nueva agresión, por esto nos sumamos a la concentracion convocada mañana 18 de Julio a las 19.00h en Cantón Pequeño 15.

Ninguna agresión sin respuesta

Si nos tocan a unx nos tocan a todxs

Comité Local da CGT da Coruña

[A Coruña] Atento: Un verán que arde

16 de julio de 2019 autor: Federación Local Obrera A Coruña Categoría: A Coruña, actualidad, Sindical Tagged Atento, Folga, Paros, telemarketing

26, 27 e 28 de XULLO: FOLGA 24H

PAROS de 2 horas do 5 aoÂ 1 1 de agosto

Atento volve á carga con ataques á nosa dignidade e á nosa saúde, e nós temos que responder coas ferramentas que sempre nos permiten facerlles fronte: unión , solidariedade e loita obreira.

Seguimos tendo que traballar nun ambiente insoportable porque non ternos a formación adecuada para o desenvolvemento do noso traballo, nalgúns horarios e departamentos as aplicacións deixan de funcionar todos os días, funciona a pleno rendemento a mutua de reforzo contratada por Alento para reducir as baixas como sexa, aínda a costa da nosa saúde, e o máis grave, segue incesante o goteo de despedimentos miserentos de compañeirxs, sen xustificación e aducindo causas falsas e denigrantes co obxectivo de meternos o medo no corpo de sermos nós xs seguintes á próxima .

Pois ben, non hai outra maneira. Xa sabemos que Atento non actúa de boa fe nin cando (simula) negociar, e quen dicía que solucionaría pola vía administrativa os incumprimentos da empresa nos acordos enganábase: a inspección de traballo determinou que non está na súa man obrigarlles a cumprir o acordo no AGA do ano pasado. A solución depende de nós; coma sempre, somos nós quen podemos cambiar o noso futuro e conseguir que Atento nos respecte.

NINGUNHA AGRESIÓN SEN RESPOSTA

OS DÍAS 26, 27 E 28 DE XULLO PARAMOS

MOBILÍZATE E LOITA!!!

CONTRA AS SÚAS AFRONTAS, A NOSA UNIÓN!!

Comité de Empresa de Atento-A Coruña

[Ferrol] CGT entra con forza no Comité de Empresa de Navantia

10 de julio de 2019 autor: Federación Local Obrera A Coruña Categoría: actualidad, Ferrol, Sindical Tagged Eleccións sindicais, Nava, Navantia

A CGT obtivo 3 delegados nas eleccións sindicais de onte, Xaquín García Sinde e Javi Losada, por Técnicos, e Vicente Ferrer, por Man de obra. Ademais, superamos en votos á UGT globalmente e tamén superamos á CIG no colexio de Técnicos. Tódolos inicios son difíciles, e máis nunha fábrica de tanta tradición sindical como a nosa. Por tanto, estes 3 delegados é un resultado moi digno (e sen chamadas telefónicas nin visitas de última hora ós afiliados). Agradecemos a tódalas persoas que nos votaron o apoio a un sindicalismo de clase coherente e a confianza depositada na CGT. Os resultados globais son:

*	Total 2019	Total 2015	Man de obra 2019	Man de obra 2015	Técnicos 2019	Técnicos 2015
CCOO	9	11	5	7	4	4
CGT	3	–	1	–	2	–
CIG	4	5	3	3	1	2
MAS	4	4	2	2	2	2
UGT	3	3	2	2	1	1
Total	23	23	13	14	10	9

Como se ve, CCOO sufre un severo retroceso, perdendo 2 delegados. É a primeira vez que CCOO baixa dos 10 delegados e tamén do 40% dos votos. De feito, CCOO deixouse nestas eleccións nin máis nin menos que dez puntos porcentuais, baixando dun 47% en 2015 a un 37% agora.

Pero hai outro dato a destacar: a CGT quedou a só un voto de obter un cuarto delegado (que perdería UGT en Man de obra). De ter ocorrido isto, significaría que, por primeira vez, CCOO e UGT non sumarían maioría absoluta, abríndose así a posibilidade teórica de que CCOO incluso chegase a perder a presidencia do comité de Ferrol. Non estamos nesta posibilidade por un só voto, pero en calquera caso este dato ilustra moi ben a tendencia ó declive dos sindicatos que nos últimos anos están a colaborar coa empresa no recorte dos dereitos dos traballadores, UGT a raíz do IV Convenio e CCOO a raíz do Convenio único.

Por iso estes resultados tamén representan un claro rexeitamento dos traballadores á dirección de Navantia, cuxos intentos de interferir nestas eleccións foron descarados: fraude no censo electoral na factoría de San Fernando (inflado pola empresa con xente de Cartagena), parcialidade escandalosa do xefe de Persoal de Ferrol, que actuou como tal dende a presidencia da Mesa electoral central (toda a chafallada do voto "delegado", que finalmente non se contabilizou), anuncios de promocións e aumentos salariais no día de onte… Pero a xente non é tan parva como algúns se pensan, e estas manobras tiveron o efecto contrario ó buscado.

Para analizar estes resultados en profundidade e decidir os seguintes pasos a dar pola CGT, convocamos unha:

Â ASEMBLEA DE AFILIADOS/AS E SIMPATIZANTES o xoves 11 ás 10:00 h. no salón de plenos do comité

Sección Sindical Unitaria de CGT en Navantia Ferrol

[Ferrol] Navantia: Agora enténdense algunhas cousas

4 de julio de 2019 autor: Federación Local Obrera A Coruña Categoría: actualidad, Ferrol, Sindical Tagged Naval, Navantia

Durante décadas, a empresa pagoulles liberados ós sindicatos sen estar obrigada por ningunha norma legal (ou sexa, eses liberados non eran membros dun comité nin delegados dunha sección sindical).

Cando, en xullo de 2012, o goberno de Rajoy ordenou a súa total eliminación, Navantia mantiña 17. A empresa comunicou a situación ós diferentes sindicatos en setembro de 2012. Un ano máis tarde, ordenou que algúns volvesen ó traballo; en concreto, eliminou o liberado da CIG e os 2 da USTG, pero mantivo 5 de CCOO e 3 de UGT.

A CIG denunciou a Navantia por discriminación, e gañou. Como a sentenza obrigaba a repoñer o liberado da CIG, a empresa optou por poñer fin á discriminación eliminándoos todos. Pero o interesante desa sentenza está no apartado de "Feitos probados", que recolle as razóns de Navantia para manterlles eses 8 liberados a CCOO e UGT.

En primeiro lugar, a sentenza reproduce literalmente un escrito da dirección de Navantia (de novembro de 2013, en pleno IV Convenio) solicitando permiso para mantelos: "Esta proposta ten como obxectivo continuar mantendo un diálogo fluído coas federacións de CCOO e UGT, así como o interese de Navantia en que se poidan manter determinados cargos sindicais, tanto locais como nacionais, que contribúan a evitar a confrontación e faciliten a resolución de conflitos nos distintos centros".

Despois reproduce un escrito, aportado a autos por Navantia, no que se pode ler: "a Dirección de RRHH de Navantia (…) convén na necesidade de situar dentro das estruturas sindicais, tanto locais como nacionais, determinados cargos que contribúan á representacióndos intereses de Navantia en ditos ámbitos e, especialmente, á resolución de problemas e conflitos que con frecuencia se orixinan nos centros de traballo, afectando tanto á plantilla propia como da industria auxiliar".(Os subliñados son nosos).

Ese escrito tamén di: "Para a elaboración desta proposta, se tivo en conta os intereses de Navantia antes mencionados, en relación especialmente con ditas centrais, cuxa contribución ó desenvolvemento estratéxico de Navantia é fundamental, especialment nos momentos actuais de transformación da Compañía e de preparación do seu Plan Estratéxico para os vindeiros anos".

Agora se entenden mellor algunhas cousas que pasaron nos últimos anos (e que seguen a pasar).

Sección Sindical Unitaria de CGT en Navantia Ferrol

[Ferrol] Navantia: o «voto delegado» non é legal

2 de julio de 2019 autor: Federación Local Obrera A Coruña Categoría: actualidad, Ferrol, Sindical Tagged Eleccións sindicais, Naval, Navantia

Dentro do proceso de Eleccións Sindicais en marcha, a Mesa Electoral Central a petición de CCOO, decidiu poñer en marcha un mecanismo de voto anticipado que chaman "VOTO DELEGADO".

Ante esta situación, os sindicatos asinantes (CIG, CGT, MAS e UGT) vémonos na obriga de informar ós traballadores das consecuencias desta iniciativa:

Este método de votación non está recollido na lexislación vixente, non ten soporte xurídico algún e polo tanto sitúase claramente fora da lei.
En consecuencia, aqueles traballadores que desexen votar e non poidan facelo presencialmente o día 9, deberán empregar a modalidade de VOTO POR CORREO nos termos que a Mesa Electoral Central ten comunicado (a data tope para solicitalo e o día 4).
Os traballadores que xa teñan empregado esta modalidade de votación de voto delegado deben saber que a única garantía de que o seu voto sexa válido e realizalo por correo. O voto delegado pode ser manipulado durante a súa custodia ou anulado pola Autoridade Laboral.
En consecuencia temos presentados escritos de impugnación ante a Mesa Electoral Central e estamos á espera de respostas durante o día de hoxe.
Si non recibimos resposta ós escritos presentados impugnaremos esta decisión da Mesa Electoral Central ante a Autoridade Laboral Provincial mañán mércores.

Secciones Sindicais en Navantia de CIG, CGT, MAS e UGT