Segue a loita en Segue a loita en CLECE (PSA – Vigo)
Convocada folga para os días 3 e 4 de detembro.
Paro ferroviario de 24 horas. Concentración na Coruña
A CGT convocou folga ferroviaria de 24 horas en Renfe e Adif para mañá, día 28. En coincidencia coa folga, haberá unha concentración dentro da estación do tren da Coruña, ás 11:00 horas, para protestar polo desmantelamento deste servizo público esencial.
Animámosvos a compartir a loita acudindo á concentración convocada.
POR UN FERROCARRIL PÚBLICO E SOCIAL!
Â
NIN DESMANTELAMENTO NIN PRIVATIZACIÓN!
Comité Local da CGT da Coruña
Pontevedra: Ana ¡Readmisión! ¡A mobilización continúa!
Chamamento de CGT-Pontevedra e as seccións sindicais de CGT-Unipost a participar na concentración en solidariedade coa compañeira Ana, traballadora de UNIPOST en Santiago, despedida o mesmo día que comunicou a empresa que estaba embarazada. A movilización terá lugar en Pontevedra este venres, 21 de xullo.
Solidariedade con Ana
¡En defensa de todas as persoas inxustamente agraviadas!
¡Para que a violencia empresarial e institucional non quede impune!
Concentración, 21 xullo, 20:30h, Praza da Peregrina
           Ana M.P.G., traballadora da empresa UNIPOST e membro da sección sindical de CGT no centro de traballo de Santiago de Compostela, decidiu comunicar á empresa que estaba embarazada. Ao finalizar a súa xornada laboral, o seu xefe comunícalle a rescisión do contrato e o despido.
Non conforme Unipost con manter aos seus traballadores nun estado de precariedade e emerxencia social permanente, non pagar en mes e tempo os salarios que lles adeuda e bloquear sistemáticamente a negociación do convenio, UNIPOST atenta agora contra os dereitos fundamentais dos traballadores discriminando a unha compañeira polo simple feito de estar embarazada.
Para a CGT, este feito é intolerable, que non estamos dispostos a consentir. En tanto Ana non se reintegre ao seu posto de traballo, non pararemos as movilizacións contra a violencia impune que está levando a cabo esta patronal contra a clase traballadora, contra Ana, contra todos e todas nos.
En solidariedade con Ana, en defensa de tódalas persoas inxustamente agraviadas pola conducta empresarial, en defensa tamén propia, participa na concentración.
Comité Local CGT-Pontevedra
Convocatoria Asemblea da Federación Local da CGT de Vigo.
Convocatoria Asemblea da Federación Local da CGT de Vigo.
Dita Asemblea terá lugar o vindeiro mércores día 26 do presente mes, e comezará ás 19:00h (7h da tarde), a fin de debater entre outras, as seguintes cuestións:
ODEN DO DIA
1.- Informe dos Sindicatos. (Limpeza e Oficios Varios).
2.- Información da reunión celebrada o martes 18 entre os colectivos sociais, sindicais e políticos, convocada pola Plataforma PAH Vigo-TUI Baixomiño e a Acampada Dignidade diante do Concello contra a pobreza, cun punto único de orde do día : Desafiuzamentos, achegas, modificacións ao plan de Vivenda Baleira da Xunta. Propostas sobre as posibles solucións aos continuos Desafiuzamentos en Vigo e comarca que superan con fartura o resto de Galicia.
3.- Proposta de nomeamento de novo Secretario de Acción Social.
4.- Varios
A CGT convoca ao persoal de Atento a unha folga de 24 horas o 10 de xullo
O persoal de Atento que traballa no servizo 1004 de Movistar, por segunda vez en pouco máis de medio ano, está ameazado cunha nova Modificación Substancial das Condicións de Traballo (MSCT) que implica a imposición de quendas partidas (traballando fins de semana completos), perda de pluses salariais e extrasalariais e unha agresión directa aos dereitos de conciliación, coidado da familia e protección da infancia e das vítimas de violencia machista. O motivo deste novo atropelo débese a que Movistar -no seu afán de explotación laboral e engano aos seus clientes- pretende cambiar o seu horario de atención do 1004 das 9:00 ás 22:00 horas, en lugar de dar servizo desde España as 24 horas do día todos os días do ano. Con esta medida só buscan abaratar custos laborais, con avaricia e voracidade e sen ningunha sensibilidade social; á vez que empeora a atención aos seus clientes, que lembremos son os que máis pagan do mercado.
O primeiro intento de MSCT terminou sen acordo coa parte social e cunha posterior sentenza -recorrida por Atento- a favor do persoal, declarando a nulidade da medida. A pesar diso, a salvaxe modificación logo anulada en sentenza supuxo a perda de 125 postos de traballo. Agora, tras máis de medio ano sen que Atento fixese nada para paliar, minimizar e anular os graves prexuízos ao persoal pola medida imposta por Movistar, persisten no seu intento de partir a vida a xs traballadorxs e provocar máis rescisións de contratos debido a que moitxs deixarán de poder compaxinar as súas quendas e horarios coa súa vida allea ao traballo.
Para esixir a retirada desta medida a CGT convoca a todo o persoal de Atento a un paro estatal de 24 horas o luns 10 de xullo. Coincidindo coa xornada de loita, na Coruña terá lugar unha concentración, ás 12 horas, diante da tenda Movistar da praza de Pontevedra en protesta por unha agresión máis ás nosas vidas.
Sección Sindical da CGT en Atento – A Coruña
Compostela, manifestación en solidariedade cos traballadores de FerroAtlántica.
Compostela, manifestación en solidariedade cos traballadores de FerroAtlántica.
Nesta gran mobilización sindical galega berramos xuntos:
Non á segregación das hidroléctricas!
Non á agresión aos dereitos e futuro dos traballadores!
Os traballadores de Ferroatlántica e a comarca enteira da Costa da Morte están a sufrir unha grave agresión nos seus intereses e dereitos como consecuencia do intento da empresa de proceder á segregación das presas hidroeléctricas da propia empresa metalúrxica en Cee-Dumbría e, acto seguido, desfacerse dos complexos hidroeléctricos, instalados nos ríos Xallas (Dumbría) e Grande do Porto (Vimianzo).
A historia desta empresa iníciase precisamente co aproveitamento eléctrico do río Xallas e, por tanto, este representa a razón de ser e xustificación, política e legal, da aceptación polos veciños das expropiacións necesarias no seu momento para os Saltos, como a asunción do deterioro agropecuario e ambiental, non só dos terreos alagados, senón tamén dos lindeiros. A comunidade veciñal de Cee-Dumbría e o conxunto da clase traballadora que se incorporou ás fábricas e empresas auxiliares coñecen moi ben que a presenza das fábricas na Costa da Morte está ligada de modo necesario e indisoluble aos saltos hidroeléctricos, que durante os últimos case 100 anos veñen fornecéndolle da electricidade necesaria. Baseándose nese mesmo convencemento, Ferroatlántica dispón dunha concesión por 99 anos para a explotación hidroeléctrica de ambos os ríos.
Agora mesmo, Ferroatlántica, que en 2015 anunciou a súa fusión coa multinacional estadounidense Globe Speciality Metals (GSM), está en mans do empresario Juan Miguel Villar Mir, cuxo nome figura como protagonista esencial en todos aqueles casos de corrupción política e empresarial que desde uns anos para acó converteron o país nun lameiro fedorento.
Por estas razóns diversos grupos, colectivos e entidades da comarca, así como o Comité de Empresa de Ferroatlántica Cee-Dumbría e numerosos Comités das empresas auxiliares, expoñen a necesidade de celebrar en Santiago, o 8 de xullo, unha gran manifestación que evite o intento da Empresa de segregar e desvincular as presas hidroeléctricas da propia empresa metalúrxica, sen outra garantía para os postos de traballo e a propia supervivencia da fábrica na Costa da Morte que fume, promesas e a fraude habitual: anunciar como un feito e acto de vontade o que se decidiu de antemán non cumprir.
Novo ataque á conciliación familiar en Atento. Paros o 5 e o 6 de xullo
O pasado xoves Atento iniciou un novo proceso de modificación das condicións de traballo de preto de 1000 traballadores, 63 no centro da Coruña, dos que máis da metade tiveron que reducir a súa xornada por coidado de familiar, dada a imposibilidade de conciliación da vida familiar e laboral cos horarios que a empresa impón. Tras ser declarada nula pola Audiencia Nacional a modificación realizada pola empresa o pasado mes de novembro, Atento insiste na reestruturación de parte do persoal con cambios de horarios que, ademais de impedir conciliar, implica perdas económicas para moitos compañeiros ao perder os pluses que viñan percibindo ata agora e impón quendas partidas con sábados e domingos alternos, tamén en xornada partida, a máis de 600 traballadores, moitos deles con salarios que non chegan aos 700 euros.
A escusa para afrontar estas modificacións é un oculto e malintencionado cambio realizado por Movistar no horario de atención do 1004, aínda que o certo é que non houbo ningún cambio no horario de atención senón que Movistar e Atento decidiron deslocalizar as chamadas neses horarios para así poder aumentar os seus beneficios. Para a CGT, esta medida é innecesaria e esconde o intento de desfacerse dos seus traballadores impoñéndolles horarios que non poidan asumir obrigándoos con iso a perder os seus postos de traballo, ou, en caso quen consiga manter o traballo, precarizando aínda máis as súas condicións laborais.
Para esixir a retirada desta medida a CGT convoca paros de dúas horas por quenda o mércores 5 de xullo e o xoves 6 de xullo. Coincidindo cos paros e diante do centro de traballo en Juan Flórez o mércores terá lugar unha asemblea informativa ás 11 e ás 17 horas e o xoves ás mesmas horas unha concentración en protesta por unha agresión máis ás nosas vidas.
A Coruña ao 3 de xullo de 2017
Sección Sindical da CGT en Atento