A F.L. de Sindicatos de Vigo fai un chamamento a todos/as os/as afiliados/as e simpatizantes a participar no acto de rúa programado polo Espazo Aberto Antimilitar de Vigo o vindeiro sábado 19 de xuño ás 18:00 h na praza da farola de Príncipe.
Coa que está caendo (crise económica e os conseguintes recortes sociais), o Goberno vai empregar (como mínimo) a cantidade de 18.160,89 millóns de euros en gasto militar.
A FL de Vigo fai un chamamento a todos/as os/as afiliados/as e simpatizantes para que acudan a esta concentración diante da Delegación de Traballo en Vigo, o mércores 16 de xuño ás 11:00h.
A nova reforma laboral, que previsiblemente será aprobada este mércores no consello de ministros tras "esgotar a vía do diálogo cos axentes sociais" para a súa imposición posterior mediante decreto, suporá (de impoñerse) un novo retroceso nos dereitos dos/as traballadores/as en aspectos como o abaratamento do despido e flexibilización das condicións de traballo, cun aumento da precariedade para toda a clase traballadora. Read More
O venres, día 11 de xuño, máis dun centenar de persoas acudiron a manifestación convocada por CGT en Vilagarcía en defensa dos postos de traballo na factoría de Alfageme en Vilaxoán (ex-Conservas Peñas) e pola continuidade da actividade conserveira na bisbara. Read More
O vindeiro mércores, 10 de xuño, ás 12 da mañá, diante da oficina principal da Coruña, está convocada unha concentración de traballadores e traballadoras de Correos en contra do apagón postal e pola viabilidade de Correos, no marco da xornada de Folga convocada por CGT xunto con outras organizacións sindicais.
A CGT, xunto con outras centrais sindicais, convoca o xoves, 10 de xuño, concentracións nas portas de edificio de Correos de muitas cidades en todo España contra a privatización do servicio público e pola defensa do desbloqueo da negociación colectiva. En Pontevedra a concentración terá lugar ás 12:00h, no edificio central de Correos, na c/ Oliva.
62 traballadores na Coruña e 14 en Lugo serán despedidos o luns, día 14, da empresa de telemárquetin Sykes. Estes despidos prodúcense tras a estimación parcial dun ERE presentado con snterioridade e que supuxo o despedimento de 68 traballadores.
O motivo desta nova reducción do cadro de persoal é a aplicación do artigo 17 do vixente convenio, que permite a destrución de postos a causa da diminución do volumen de chamadas. Este é un claro fraude de lei, contra o que os traballadores loitarán. Read More
O vindeiro xoves día 10 de Xuño haberá unha concentración nas portas do edificio de Correos situado na Praza de Compostela ás 12 horas da mañán.
O próximo día 8, martes, a CGT fará unha manifestación que sairá ás 20:00 horas da Praza da Peregrina, contra a política económica do goberno e o anuncio dunha nova reforma laboral dirixida, unha vez máis, contra dos traballadores e os grupos sociais máis desfavorecidos e en beneficio do capitalismo máis noxento. Read More
O próximo día 8, martes, a CGT fará unha manifestación que sairá ás 19:30 horas da Praza de Vigo da Coruña, para rematar diante da Delegación do Goberno.
A CGT convoca esta manifestación dentro da Xornada de Loita convocada pola organización confederal para protestar polas medidas e recortes antisociais do goberno, así como do anuncio dunha nova reforma laboral que recaerá, como todas as anteriores sobre os traballadores e as clases máis desfavorecidas da sociedade.
Para este sindicato, a convocatoria dunha Folga Xeral é imprescindible para variar o rumbo destas decisión e para que se faga recaer o peso da crise sobre os directos responsables da mesma.
Do día 3 ao 6 de xuño de 2010, a Federación Sectorial de Limpezas e Mantemento do Sindicato CGT celebra en Vigo o seu Primeiro Congreso Federal. Durante o Congreso, delegacións vidas de todo o estado, están a debater sobre a situación laboral e social dos/as traballadores/as que prestan servizos tan importantes para a cidadanía como a limpeza de edificios e locais, limpeza viaria, recollida de lixos, xardinaría, depuración e reutilización de augas residuais, recuperación, tratamento e eliminación de residuos urbanos e industriais, etc.