Os traballadores non poden ser discriminados por o tipo de contrato

Como xa dixemos en máis dunha ocasión, a Confederación Xeral do Traballo (CGT) é contraria a recorrer a «entes» alleos para solucionar os problemas. Máis nalgunhas ocasións non nos queda máis remedio que recorrer a Xustiza, ou mellor dito os Tribunais de Xustiza. A defensa dos intereses dos traballadores en ocasións obríganos a este tipo de actuacións.

A Sección Sindical da Confederación Xeral do Traballo, en PSA Peugeot-Citrà¶en, acaba de gañar unha demanda contra a empresa pr a aplicación do artigo 37 «Complemento de Antigà¼idade». Read More

Os traballadores e traballadoras afectados polo convenio provincial da limpeza de edificios e locais da provincia de Pontevedra non saen de súa sorpresa. Cada vez que Rosa (UGT), Tránsito (CIG) e Violeta (CCOO) se xuntan algo impredecible pode pasar. Primeiro foi a marabilla de preacordo a que chegaron en maio (tan lamentable foi que nin se puxeron dacordo no que dicía), e agora pretenden tapar a súa incompetencia convocando nada máis e nada menos que unha folga indefinida no sector. Pero que oculta este novo exercicio de irresponsabilidade? Read More

A concesionaria despide a unha afiliada a CGT e expedienta a outros dous

A finais do mes de agosto comezaba a facerse patente unha campaña dirixida á eliminación da sección sindical da CGT en CONYCASE, unha empresa integrada dentro do grupo NUARIA. Actualmente, Conycase é a empresa concesionaria de tres parkings subterráneos na cidade de Vigo (Pza. de Fernado «El Católico», Rúa Coruña e Rúa Venezuela).

O grupo empresarial Nuaria, ou o que queda del, (tan so duas empresas das sete que o integraban) é propiedade do famoso empresario Manuel Núñez Arias. Como se lembrará este empresario saltou aos medios de comunicación de todo o estado a finais de 2007 cando foi detido pola Garda Civil na chamada Operación Tótem contra as mafias inmobiliarias no concello de Totana, en Murcia. De feito, a operación urbanística na que está implicado foi definida por un concelleiro de Totana como «unha recualificación masiva, salvace e a dedo», poñendo de manifiesto que «viu acompañada dunha serie de centos de contratos de compra venda que se estaban facendo a través de intermediarios e unha política de presións e ameazas», non dudando de cualificala como, «máis parecida ás tácticas mafiosas que ás da España democrática do século XXI».

Pois ben, agora este empresario modelo parece estar empeñado na venda de CONYCASE e para que os ingresos por esta venda sexan máis suculentos élle imprescindible que se produza libre de traballadores.

Hai que lembrar que grazas á acción da Confederación (dende hai máis de 8 anos e ata o mes de agosto o delegado de persoal era afiliado á CGT), as condicións laborais dentro da empresa eran as mellores dentro do sector na nosa cidade (subrogación de traballadores en caso de venda, escasa eventualidade, imposibilidade de contratación de subcontratas no persoal). Read More