CGT Galicia
http://www.cgtgalicia.org/14-de-febreiro-de-2013-traballadores-de-clece-en-loita/
Export date: Wed Apr 16 18:42:34 2025 / +0000 GMT

14 de Febreiro de 2013 - Traballadores de CLECE en loita


Mañá xoves 14 de Febreiro, convocase unha concentración a prol dos dereitos laborais dxs traballadores dos Servizos Sociais do Concello de Vigo, recentemente mercantilizados pola empresa CLECE, S.A.

logo cleceA concentración de protesta terá lugar na Avda. da Hispanidade Nº 68, entre as 11:00 até as 13:00, diante da sede da empresa.

O Programa Municipal de Intervención Familiar, que se ven desenvolvendo con éxito dende hai máis de dezaseis anos, está formado por un equipo multidisciplinar de catorce profesionais: educadores sociais, traballadores sociais, psicólogos e unha administrativa, que realizan labores de integración social e prestan apoio a máis de 380 familias multiproblemáticas, que fan un total de 1432 cidadáns de Vigo, dos que 657 son menores.

Recentemente pasou a ser xestionado pola empresa de multiservizos, sen experiencia no sector, CLECE S.A., en detrimento da atención e da calidade que se viña prestando.

Coa concesión deste Programa a CLECE S.A., as familias en situación de risco coas que se traballaba vense claramente prexudicadas, xa que as actuacións da empresa atentan contra a dignidade dos profesionais do Programa, aos que impide que fagan o seu traballo nas mesmas condicións laborais que até o de agora: non lles remuneran os desprazamentos para atender ás familias, impiden a súa conciliación laboral e familiar, néganlles o salario que estaban a percibir,… e todo isto, sen poder xustificalo coa crise actual, posto que a partida orzamentaria que o Concello destina a este programa non se viu diminuída.

Xórdennos moitas preguntas:

Quen se está embolsando os cartos deste programa, destinado ás familias e aos traballadores?

Por que se permite que gañen os concursos públicos á baixa, este tipo de empresas, en detrimento da calidade dos servizos que prestarán, e das condicións laborais dos traballadores?

E sendo o Concello de Vigo o máximo responsable, quen non dubida en poñer este importante Programa en mans de calquera empresa, sen importarlle os medios cos que contan e o servizo que prestarán,… cando vai pór fin a estes agravios?

Facemos un chamamento a toda a cidadanía para que apoie as mobilizacións en defensa do mantemento deste servizo fundamental para moitas familias e para toda a sociedade.

Acude e manifesta a túa repulsa contra a política de recortes á conta da saúde e da calidade de vida da cidadanía, contra a mercantilización dos Servizos Sociais e para beneficio das grandes empresas.

NON AOS RECORTES E AO DETERIORO DO PROGRAMA DE INTERVENCIÓN FAMILIAR!!

NON Á MERCANTILIZACIÓN DOS SERVIZOS SOCIAIS DE VIGO!!


CLECE FAI NEGOCIO E O CONCELLO CONSINTE!!


 
Post date: 2013-02-13 12:36:36
Post date GMT: 2013-02-13 11:36:36

Post modified date: 2013-02-13 12:36:36
Post modified date GMT: 2013-02-13 11:36:36

Export date: Wed Apr 16 18:42:34 2025 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com